Ақын Баянғали Әлімжановтың 3 томдық кітабы шықты

АЛМАТЫ. 22 маусым. Қазақстан Республикасының еңбек сіңірген қайраткері, көп қырлы талант иесі – сыншы, жазушы, айтыс ақыны, драматург, кинорежиссер Баянғали Әлімжанов Астанадағы « Фолиант» баспасынан 3 томдық шығармалар жинағын шығарды. Бұл туралы egemen.kz хабарлады. Белгілі манасшының есімі бауырлас Қырғыз елінде де аса танымал. Ол сол елдегі республикалық Малдыбаев атындағы әдеби сыйлықтың лауреаты. Ұлы – жас талант Нұрлан Әлімжан екеуі бірлесіп тыңдаушысы сүйсінтетін бірнеше ән де жазды. Таңдамалы шығармалар жинағының бірінші бөлімі – «Шексіз ғалам, мен сенің бір бөлшегің...» деп аталады. Мұнда ақынның әр жылдар кезеңінде жазған өлең-жырлары мен поэмалары енгізілген. Кітаптың екінші – «Театр терезесіндегі сәуле» бөлімінде Баянғалидың драматургиялық шығармалары жинақталған, ал, үшінші бөлімде – «Күлкімен көмкерілген ой» тақырыбымен жазушының әңгімелері мен повестері топтастырылған. Айта кетейік, өнер иесінің Астана қаласында жекеменшік киностудиясы бар. Соңғы кезде оның жетекшілігімен кең көлемді деректі үш фильм түсірлді. Талғат Сүйінбай. Дерек, сурет: egemen.kz.