Үлгі

Сонау кеңес заманы кезін­де біреулер үйін ақ тас­пен­ қаптап жатса, немесе үй жиһазын сатып алып жатса, таңданып қалатын едік. Оның да өзіндік себебі бар. Сол заманда кеңес халқы қарапайым өмір сүрді. Жақсы тұрмыс жасаймын деп, артық табыс тапсаң да, оны «тұсаулап» қойды... Ал қазір ше? Адал еңбекпен табыс тауып, зәулім үй сала­сың ба, әлде «дәу» көлік ала­сың ба, Канар аралына ­барып демаласың ба, еркіңде. Мұны мемлекетіміздің адамдар үшін жасап отырған қолдауы деуге болады. Міне, соның айғағындай, ауылда ыстыққа күйіп, суыққа тоңып, мал өсірген шаруа адамдары еңбегінің жемістерін көруде. Оразғали елді мекенінде 20 шақты үй бар. Сол ауылда аудан­дық мәслихаттың депутаты, спорт­тың жанашыры, «Ақжол» шаруа қожалығының жетекшісі Нұрбо­лат Әдиетов деген азамат тұрады. Нұр­бо­латтың үйі қалалар­дағы заманауи үлгіде жабдық­талған «мықтылардың» үйін шаң қаптырып кетеді. Құбырмен келіп тұрған суы жоқ, жанында өзені жоқ ауылда са­лын­ған үй адамға қажетті барлық жаб­­­дықтармен жабдықталған. Мін­е,­ ең­бектің зейнеті деген осы болар. Айтпақшы, Нұрболат – жомарт азамат. Көктерек мектебіне 600 мың теңге тұратын қазақ күресіне қажетті құрал-жабдықтарды алып берген. Сонымен қатар, бәйгеге қосатын сәйгүліктер баптап жүрген ол күреске қатысатын бір шәкіртіне ат спортына үйренсін деп, тай сыйлаған. Серік ЖҰМАҒАЛИЕВ. Батыс Қазақстан облысы, Қазталов ауданы.