Елбасы зейнетақы жүйесін жетілдіруге бағытталған заңға қол қойды

АСТАНА. 4 тамыз. Елбасы екі бірдей заңға қол қойды. Бұл туралы Ақорданың баспасөз қызметіне сілтеме жасаған ras.kz хабарлады. Хабарламада: «Мемлекет басшысы зейнетақымен қамсыздандыру жүйесін жетілдіруге бағытталған «Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар енгізу туралы» Қазақстан Республикасының заңына қол қойды», – делінген. Cондай-ақ, Елбасы сот жүйесін жетілдіруге бағытталған «Азаматтық процестік заңнаманы жетілдіру мәселелері бойынша Қазақстан Республикасының кейбір конституциялық заңдарына өзгерістер мен толықтырулар енгізу туралы» Қазақстан Республикасының Конституциялық заңына қол қойды. Заңдар мәтіндері баспасөзде жарияланады. Еламан Қоңыр. Дерек: ras.kz. Сурет: akorda.kz.