Елбасы мүмкіндігі шектеулі адамдардың жағдайын жасап, өз кәсіптерін ашып, бизнесін бастауға көмектесуге тапсырма берген еді. «Даму» кәсіпкерлікті дамыту қоры» мен «Казкоммерцбанктің» қолдауының арқасында мүмкіндігі шектеулі кәсіпкер Шайхы-Ислам Мағауияұлы ағаштан түрлі бұйымдар жасау өндірісін бастап кетті.
Шайхы-Ислам Мағауияұлы былтыр мүмкіндігі шектеулі жандар арасында кәсіпкерлікті дамытуға бағытталған «Жұлдыздарға қара» жобасына қатысып, жеңімпаз атанған болатын. «Даму» кәсіпкерлікті дамыту қоры» АҚ және «Казкоммерцбанк» АҚ-тың «Құс жолы» корпоративтік қайырымдылық қорымен бірлесіп жүзеге асыратын жоба аясында Арал ауданының жас кәсіпкеріне жонғыш станок сатып алуға грант бөлінген еді. Жаңа құрылғы кәсіпкердің шағын бизнесінің кеңеюіне септігін тигізіп, естелік сыйлықтар, зергерлік және басқа да бұйымдарды сапалы етіп шығаруға өз пайдасын әкелді. Жонғыш станокпен жас кәсіпкер Шайхы-Ислам темірдің түр-түрінен, түсті металдардан шашбау, тұмар, білезік, сақина, жүзік, ерлер жүзігі, т.б зергерлік бұйымдарды, сонымен қатар, қайың ағашынан ыдыс аяқтар, бас табақ, шолпы, қасық, кесе, теріден торсық, кесеқап секілді тұрмыстық бұйымдарды дайындауды жетік меңгеріп, аралдық тұрғындар мен Арал теңізін көруге келген туристерге өз өнімін сатуда.
Оның сөзінше, бизнесін хобби деп біледі және сүйікті ісімен қуана айналысады. Алайда, дәрігерлер қолөнер саласымен айналыспауға кеңес берген. Себебі, кәсіпкердің көру қабілеті жыл санап нашарлап барады. Дегенмен, мақсатшыл жас кәсіпкер осы білгенімен тоқтап қалмақ емес және бүгінде Астана қаласында 2017 жылы өтетін халықаралық ЭКСПО – 2017 көрмесіне қатысуға үлкен дайындық жасауда.
Ержан БАЙТІЛЕС,
«Егемен Қазақстан».
Қызылорда.
Шайхы-Ислам Мағауияұлы былтыр мүмкіндігі шектеулі жандар арасында кәсіпкерлікті дамытуға бағытталған «Жұлдыздарға қара» жобасына қатысып, жеңімпаз атанған болатын. «Даму» кәсіпкерлікті дамыту қоры» АҚ және «Казкоммерцбанк» АҚ-тың «Құс жолы» корпоративтік қайырымдылық қорымен бірлесіп жүзеге асыратын жоба аясында Арал ауданының жас кәсіпкеріне жонғыш станок сатып алуға грант бөлінген еді. Жаңа құрылғы кәсіпкердің шағын бизнесінің кеңеюіне септігін тигізіп, естелік сыйлықтар, зергерлік және басқа да бұйымдарды сапалы етіп шығаруға өз пайдасын әкелді. Жонғыш станокпен жас кәсіпкер Шайхы-Ислам темірдің түр-түрінен, түсті металдардан шашбау, тұмар, білезік, сақина, жүзік, ерлер жүзігі, т.б зергерлік бұйымдарды, сонымен қатар, қайың ағашынан ыдыс аяқтар, бас табақ, шолпы, қасық, кесе, теріден торсық, кесеқап секілді тұрмыстық бұйымдарды дайындауды жетік меңгеріп, аралдық тұрғындар мен Арал теңізін көруге келген туристерге өз өнімін сатуда.
Оның сөзінше, бизнесін хобби деп біледі және сүйікті ісімен қуана айналысады. Алайда, дәрігерлер қолөнер саласымен айналыспауға кеңес берген. Себебі, кәсіпкердің көру қабілеті жыл санап нашарлап барады. Дегенмен, мақсатшыл жас кәсіпкер осы білгенімен тоқтап қалмақ емес және бүгінде Астана қаласында 2017 жылы өтетін халықаралық ЭКСПО – 2017 көрмесіне қатысуға үлкен дайындық жасауда.
Ержан БАЙТІЛЕС,
«Егемен Қазақстан».
Қызылорда.
