Фото ©Айнаш Өндіріс
Бас жоспар бойынша Алатау қаласының аумағы 88 мың гектар аумақты құрайды.
Қазір қалада құрылыс жұмыстары басталып, арнайы экономикалық аймақ құрылған. Оның аумағы Қонаев қаласының бір бөлігін де қамтып, 96,5 га аумақты құрайды. PepsiCo сынды 10-ға жуық компания зауыт салуға кіріскен.
Енді Алатау қаласына инфрақұрылым тарту жұмыстары талқыланып жатыр. Премьер-министрдің орынбасары Қанат Бозымбаев инфрақұрылым тарту жұмыстары қаланың өсу нүктелерінен басталатынын мәлімдеді.
Сондай-ақ, Қ. Бозымбаев қаланы дамыту жөніндегі Жобалау кеңсесі құрылып, коммуникациялардың техникалық схемаларын әзірлеу жүргізіліп жатқанын атап өтті.
«Ауылдық аумақтарды дамытуға бағытталған барлық мемлекеттік шараларды, оның ішінде «Ауыл аманаты» және «Ауыл – ел бесігі» жобаларын үйлестіре отырып іске асыру қамтамасыз етіледі.
Өңірлік даму жөніндегі жұмысты үйлестіру Үкімет жанындағы Жобалау кеңсесі шеңберінде жүзеге асырылады», деді Қанат Бозымбаев.
