Павлодардағы мектепке Бауыржан Момышұлының есімі беріледі

ПАВЛОДАР. 7 мамыр. 2009 жылы Павлодардағы № 22 қазақ орта мектебінің ұжымы мен оқушылардың ата-аналары оқу ордасына Кеңес Одағының батыры, жазушы, даңқты әскери қолбасшысы Бауыржан Момышұлының есімін беру жөнінде ұсыныс білдірген болатын. Бұл туралы egemen.kz тілшісі хабарлады. Бұл ұсынысты қараған Үкімет жанындағы ономастикалық комиссия арада жылдар өткенде  мектеп ұжымының тілегін  мақұлдау жөнінде қаулы шығарды. Қалалық оқу бөлімінің хабарына қарағанда, Жеңістің 70 жылдығы қарсаңында яғни, ертең 8 мамыр күні мектепке батырдың есімін беру салтанатты шарасы өтеді. Облыс орталығындағы №22 мектеп 1981 жылы ашылған. Мектеп егемендік алған жылдары қазақ тілінде білім беретін мектепке айналды. Қазір мектепте 1600-ге жуық оқушы оқиды. Фарида Бықай. Дерек, сурет: egemen.kz