ПАВЛОДАР. 7 мамыр. Ресейдің Новоржев қаласында Еуразиялық топтың (ERG) «Батырлар жолымен» атты халықаралық патриоттық жобасының қолдауымен Кеңес Одағының Батыры Павел Дубовойға ескерткіш орнатылды. Бұл туралы egemen.kz тілшісі хабарлады.
«Қазақстан электролиз зауыты» АҚ-тың баспасөз қызметінің хабарлауынша, павлодарлық Павел Дубовойдың мүсінінің ашылу рәсіміне батырдың туысқандары мен жерлестері қатысты. Мүсін авторы - Ресейлік Борис Сергеев.
Ескерткіш Смоленск қаласының түсті металл құю цехында құйылған. Павлодарлық делегация жерлестері жатқан бауырластар қабіріне барып қайтты.
Сол жерде Мақарым Көбегеновке арналған ескерткіш белгі орнатты. Халықаралық патриоттық жоба 2010 жылдан бастап іске асуда.
Фарида Бықай.
Дерек: egemen.kz
Сурет: Аида Мұхамеджанова.
