“ҚАЗАГРОҚАРЖЫНЫҢ” ҚОЛДАУЫ

Ақтөбе облысында қазіргі за­ман технологияларға сәйкес жаб­дықталған ірі тауарлы-сүт фер­ма­сы ашылды. Кешен 1100 бас жо­ғары өнімді сауын ірі қара малға арналып, жылына 7 мың тоннаға дейін сүт өндіруді жорамалдайды. Бұл – ауылдағы инвестициялық жобаларды іске асыру үшін 2009 жылы “ҚазАгро” Ұлттық холдинг­ке республикамыздың Ұлттық қо­рынан бөлінген қаражат шеңбе­рін­де қаржыландыруға “ҚазАгро­Қаржы” АҚ мақұлдаған алғашқы жобалардың бірі. Жаңа мал кешені облысы­мыз­дың Мортық ауданында орна­лас­қан және сүтті қайта өңдеу және азық-түлік пен халық тұтынатын тауарлар өндіру саласында маман­данып жүрген “Айс” ЖШС сал­ған. Жобаны 1 920,7 млн. теңгеге “ҚазАгроҚаржы” АҚ қаржылан­дырған. Компания бөлген қара­жатқа ферманың ғимараты мен құ­рылысы салынды, сонымен қа­тар Van der Ploeg Іnternatіonal B.V. (Голландия) компаниясынан мал тұратын орын мен сауын жаб­ды­ғы, Eurasіa GmbH (Германия) жә­не Eurasіa Group AG (Швейцария) компанияларынан ауыл шаруашы­лығы техникалары сатып алынды. Бұдан басқа Hunland Trade Kft (Венгрия) компаниясынан 200 бас асыл тұқымды сиырлар сатылып алынды. Бұл – ендігі тиелген жерінен жіберіліп, дайын фермаға ағымдағы жылдың шілде айының басында орналастырылатын вен­герлік голштино-фриз селекциясы тұқымының алғашқы партиясы. “ҚазАгроҚаржы” акционерлік қоғамында айтқандай, жобаны қаржылай қолдаған компания болатын, өйткені аталмыш жоба өзекті де өмірге бейімді болып табылатындығымен қатар, оны іске асыру Қазақстанның батыс аймағының тамақ өнеркәсібін дамытуға ықпалын тигізуге тиіс. Сонымен бірге жаңа өндіріс салық төлемақылары түрінде облыс бюджетін толықтырып, шамамен 45 жұмыс орнымен қамтамасыз етпекші. “Айс” ЖШС үшін сүт фер­масы қазіргі қолданыстағы сүтті қайта өңдеу зауытының сенімді шикізат базасы болып табылмақ­шы. Кешен толық жобалық қуатқа шыға тұрып, сапалы сүт өніміне деген аймақ қажеттілігін қанағат­тандырып, оның өзіндік құнын төмендетеді және сүтті қайта өңдеуге байланысты көрсетілетін қызмет нарығын ұлғайтады деп жоспарлануда. Қазіргі уақытқа өтінім қабыл­дау бойынша екінші кезең ба­ры­сында “ҚазАгроҚаржы” компа­ния­сына түрлі инвестициялық жо­баларды іске асыруға байланысты 80-нен астам өтініш келіп түскенін айта кетпекшіміз. Оның 14 өтінімі тауарлы-сүт фермасының құрылы­сын қаржыландыруды көздейді. Бүгінгі таңда компанияның несие комитетімен ендігі жұмыс атқарып жатқан өндірістерге қосымша еліміздің түрлі аймақтарында іске асырылатын тағы да 4 жоба мақұлданған. Төрт жоба қаралу үстінде. “ҚазАгроҚаржы” 2009 жылдан бастап, қазіргі заманғы ірі тауар­лы-сүт фермаларын құру, құс фаб­рикаларының, жылыжай шаруа­шы­лықтарының, көкөніс қойма­ла­рының желілерін құру және да­мыту, ауыл шаруашылығы техни­каларын құрастыру өндірістерін ұйымдастыру, жеміс-көкөніс, техникалық және май дақылдарын өндіруде тамшылатып суару тех­но­логиясын енгізу сияқты еліміздің ауыл шаруашылығындағы алты бағытта перспективалық жоба­ларды қаржыландырып келеді. Инвестициялық жобалар 12 жыл мерзімге дейін жылдық 6 пайыз шарттарында және 2 жылға дейін негізгі борышты өтеу бойынша жеңілдікті кезеңмен Ұлттық қор қаражатынан қаржыландырылады. “ҚазАгроҚаржы” АҚ негізгі мақсаты – ауыл шарушылығы тауар өндірушілердің қаржы қара­жаттарына, лизинг негізінде ауыл шаруашылығы техникалары мен технологиялық жабдықтарға деген қолжетімділігін қамтамасыз ету арқылы Қазақстанның аграр­лық секторын дамытуға қолдау жасау. 1999 жылы ҚР Үкіметінің қау­лысымен құрылған. 2007 жыл­дан бас­тап “ҚазАгро” Ұлттық бас­қа­ру­шы холдинг” АҚ құрамына енген. “Егемен-ақпарат”.