Қазақстанның бірқатар аумақтарында жауын-шашын болады

АСТАНА. 23 наурыз. Ертең Қазақстанның бірқатар аумақтарында жауын-шашын болады. Бұл туралы Төтенше жағдайлар комитетінің баспасөз қызметі хабарлады. Атап айтқанда, 24 наурызда Астана қаласында күндіз біресе жаңбыр, біресе қар жаууы ықтимал. Оңтүстік батыстан соққан жел күші – 15-20, екпіні секундына 25 метрге жетеді. Бұдан басқа, Қызылорда, Оңтүстік Қазақстан, Жамбыл және Алматы облыстарында жаңбыр жауады деп күтіледі. Кей жерлерде батыстан, оңтүстік батыстан соққан жел күшейе түседі. Ал Ақмола, Солтүстік Қазақстан, Павлодар, Қарағанды және Шығыс Қазақстан облыстарында жауын-шашын болуы ықтимал. Кей жерлерде батыстан, оңтүстік батыстан соққан жел күшейеді. Желдің күші – 15-20 метр, екпіні секундына 25-30 метр болады. Мұрат Айтқожа.