Бұл туралы Ақ үй басшысы Truth Social әлеуметтік желісіндегі парақшасында жазды.
Дональд Трамптың айтуынша, телефонмен әңгіме барысында тараптар қазіргі жалғасып жатқан қақтығыстарды реттеу мәселесінің маңызын, сондай-ақ екі ел арасындағы сауда мен ынтымақтастықты кеңейту жолдарын талқылаған.
Сондай-ақ АҚШ президенті Қасым-Жомарт Тоқаевты келесі жылы Майами қаласында өтетін G20 саммитіне шақыруды жоспарлап отырғанын мәлімдеді.
Бұған дейін Мемлекет басшысы Қасым-Жомарт Тоқаев пен Дональд Трамп арасында ұзақ телефон арқылы әңгіме болғаны хабарланған еді. Сөз соңында Қазақстан Президенті АҚШ президентін өзіне ыңғайлы уақытта Қазақстанға ресми сапармен келуге шақырған.
