ӨЗГЕГЕ ҚҰРМЕТ — ӨЗІҢЕ ҚҰРМЕТ

Үстіміздегі жылдың наурыз ай­ын­да Еуропа төріндегі Кельн қала­сынан екі дөңгелекті шайтан арба­мен сапарға шыққан Кастан Лип деген неміс жиһангезі жуырда Се­мейге келіп жетті. Жолай  бірқатар Еуропа елдерін көктей өтіп, біздің елімізге атбасын тіреген ол енді Азия құрлығын шиырлап шықпақ. Жасы жиырмадан енді асқан жас жігіт бұл сапарға екі жыл дайын­далыпты. Оның ұзаққа созы­латын осы жорығы қараша айында аяқталмақ. Сапар барысында ол ешқандай күй талғамай, көше бойында кезік­кен кө­гал­ға шатырын тігіп жата кетеді екен. Оны сондай жағдайда кезіктірген Жо­март Уәлиев деген жерлесіміз алыстан келе жатқан жиһангезді қоярда қоймай қол­­қа­лап, үйіне қонаққа алып кетеді. Жо­март мұнымен де шектелмей, өз үйін­де жиһангездің жергілікті жур­на­лис­термен кездесуіне мүмкіндік жасайды. Еуропа аумағында орналасқан ТМД елдерінің бірінде мені әлде­кімдер тонап кетіп еді, ал Орталық Азияда мейлінше қонақжайлықты сезіне бастадым, дейді Кастан Лип. Жиһангездердің халқы­мыз­дың қонақжайлығына сүйсініп, жақсы лебіз білдіргені бір бұл емес қой. Қалай болғанда да, өзгеге құрмет – өзіңе де құрмет екенін ұмытпа­ға­ны­мыз ләзім. Ал оның ар жағында сен арқылы халқыңа оңды баға беріліп жататыны және бар. Дәулет СЕЙСЕНҰЛЫ, СЕМЕЙ. АСТАНАДА БОЛЫП ҚАЙТТЫ Астана күніне орай жуырда Семей­дегі Шәкәрім атындағы №5 және №16 мектептің бір топ оқу­шы-ұстаздары Арқа төсіндегі ару қалада болып қайт­ты. Үш күнге со­зыл­ған бұл сапарда олар еліміздің Тұңғыш Президентінің мұра­жайын­да, республика Парламенті үйінде болып, Астананың басқа да көрікті жерлерін аралады. Олардың барлық жол шығынын республика Парламенті Мәжілісі­нің депутаты, есімі елімізге мәлім меценат Нұртай Сабильянов көте­ріп алды. Дәулет СЕЙСЕНҰЛЫ, СЕМЕЙ.