Фото: yujanka.kz
Марапаттау рәсімі Шымкент қаласының әкімі Ғабит Сыздықбековтің қатысуымен өтті. Қала басшысы өз сөзінде мұндай азаматтардың еңбегі Шымкенттің әлеуметтік-экономикалық дамуына серпін беріп, мегаполистің оң имиджін қалыптастыратынын атап өтті.
Әлия Юсуповаға бұл атақ спорт саласын дамытуға қосқан көпжылдық үлесі, жас дарындарды тәрбиелеудегі еңбегі және бұқаралық дене шынықтыруды кеңінен насихаттағаны үшін берілді.
Салтанатты жиын барысында қала әкімі түрлі сала өкілдерін де марапаттап, олардың мегаполис пен жалпы ел дамуына қосып жүрген елеулі үлесін ерекше атап өтті.
