Жиын барысында экономикалық реформалар мен инвестициялық жобаларды жүзеге асыру шеңберінде халықаралық қаржы ұйымдарымен өзара іс-қимылдың тиімділігін арттыруға бағытталған мәселелер талқыланды. Үйлестіру кеңесінің алдыңғы отырысының хаттамалық тапсырмаларын орындау қорытындылары мен жобаларды жүзеге асыруды одан әрі оңтайландыру әрі жеделдету жөніндегі ұсыныстар, сондай-ақ бірлескен бағдарламаларды кеңейту мүмкіндіктері қаралды.
Премьер-министр Мемлекет басшысының тапсырмасы бойынша еліміздің Стратегиялық жоспарлау және реформалар агенттігінің төрағасы Әсет Ерғалиев халықаралық қаржы ұйымдарымен ынтымақтастық жөніндегі ұлттық байланыс жасайтын тұлға болып белгіленгенін хабарлады.
Аталған тәсіл жобаны жүзеге асырудағы тәртіпті әрі бірлескен бағдарламалар мен аналитикалық зерттеулердің мақұлдау жеделдігін арттыруға мүмкіндік беретіні атап өтілді.
Дүниежүзілік банктің еліміздегі өкілі Андрей Михнев приоритетті бағдарламаларды жоспарлау мен тиімді жүзеге асыру мақсатында қаржыландыру көздерін көрсете отырып, мемлекеттік қарыздар мен мемлекеттік кепілдіктерді қамтитын көпжылдық инвестициялық жоспар бекітуді ұсынды.
Энергетикалық қуат көздерінің бірінен екіншісіне көшу саласындағы бастамалар өз алдына бөлек талқыланды. Отырысқа қатысушылар энергетикалық трансформация бойынша приоритетті жобаларды біріктіру мен ұзақмерзімді халықаралық қаржыландыруды тартуға бағытталған елдік инвестициялық платформаны қалыптастыру жөніндегі ұсыныстарды қарады. Энергиямен қамту сенімділігін арттыру, технологиялық жаңарту мен инвестициялар тарту құралы ретінде энергетикалық көшудің маңыздылығы атап өтілді.
Энергетика, Экология және табиғи ресурстар министрлігі 2025 жыл бойы ЕҚДБ-мен бірлесіп энергетика секторына назар аудара отырып, Қазақстанның әділ энергетикалық көшуі жөніндегі Елдік инвестициялық платформасының (KazJETP) тұжырымдамасын дайындады.
Елдің энергетикалық секторының платформасы ауқымды халықаралық қаржыландыруды тарту мен еліміздің климаттық мақсаттарына қол жеткізуге тиімді интеграцияланған жүйелік тәсіл ретінде қарастырылады. Аталған тетік халықаралық қаржы институттарының, мемлекеттік органдардың және жеке сектордың ресурстарын біріктіре отырып, климаттық қаржыландыруды үйлестіруді қамтамасыз етуге арналған.
Бұған қоса халықаралық қаржы ұйымдарының қатысуымен жүзеге асырылатын бірқатар инфрақұрылымдық жобаны, оның қатарында су шаруашылығы, су тасқыны тәуекелдерін басқару мен коммуналдық инфрақұрылым саласындағы жобаларды жүзеге асыру мәселелері қаралды. Атап айтқанда, Ақмола облысындағы Есіл өзенінде Есіл қарсы реттегішін салу мен Ақмола облысы Степногорск қаласының кәріздік тазарту құрылысжайларын реконструкциялау жөніндегі жобаларға Азия даму банкінің қатысуы.
Премьер-министр экономиканы тұрақты дамыту мен басым салаларға инвестициялар тартуға халықаралық қаржы институттарымен әріптестіктің маңыздылығын атап өтті. Үкімет ұзақмерзімді тұрақты әсерлерге қол жеткізуге бағытталған бастамаларды қолдауды әрі туындаған мәселелерге жедел ден қоюды жалғастырады.
Отырыс қорытындысы бойынша мемлекеттік органдарға халықаралық әріптестермен бірлесіп ұсынылған ұсыныстарды пысықтауды, іс-қимылдарды үйлестіруді әрі бірлескен инвестициялық жобаларды уақтылы жүзеге асыруды қамтамасыз ету тапсырылды.
