Сонымен қатар республика аумағында тұман түсіп, көктайғақ болады. Қазақстанның оңтүстігі мен оңтүстік-шығысында жел күшейеді.
Маңғыстау облысының солтүстік-шығысында түнгі ауа температурасы өте төмен болып, кей жерлерде -22 °C-қа дейін төмендейді.
Айта кетейік, Ақмола облысының батысы, солтүстігі мен шығысында бұрқасын болады. Солтүстік бөлігінде тұман түсіп, Көкшетау қаласында да түнгі уақытта көріну қашықтығы төмендеуі мүмкін.
Алматы облысында солтүстік, оңтүстік және таулы аудандарда тұман түсіп, жолдарда көктайғақ болады. Синоптиктердің мәліметінше, шығыста желдің екпіні 15-20 м/с-қа дейін жетуі ықтимал. Қонаев қаласында түнде және таңертең тұман түсіп, жүргізушілерге жолда абай болу ескертіледі. Алматы қаласында да дәл осындай жағдай сақталады.
Түркістан облысының батысы, оңтүстігі мен таулы аймақтарында көктайғақ күтіледі. Сонымен қатар тұман түсіп, желдің екпіні кей жерлерде 15-20 м/с-қа дейін күшеймек. Түркістан қаласында да түнгі және таңғы уақытта көріну нашарлайды.
Шымкентте таңғы мезгілде тұман түсіп, солтүстік-шығыстан соғатын желдің екпіні 15-20 м/с-қа жетуі мүмкін.
Атырау облысының батысы мен оңтүстігінде тұман түсіп, жолдар көктайғақ болады. Қала тұрғындарына да таңғы уақытта сақтық шараларын күшейту ұсынылды.
Қызылорда облысының орталық бөлігінде тұман күтіледі. Желдің екпіні күндіз 15-20 м/с-қа дейін күшеймек.
Батыс Қазақстан облысында, соның ішінде Орал қаласында көктайғақ болады. Жергілікті билік пен төтенше жағдай қызметтері жол қауіпсіздігіне ерекше назар аударуға шақырды.
Абай облысының Жарма ауданында оңтүстік-шығыстан соғатын жел 15-20 м/с-қа дейін күшейеді.
Ұлытау облысының шығысы, оңтүстігі мен орталығында тұман түсіп, Жезқазған қаласында көріну шектеледі.
Жетісу облысында Алакөл көлдері маңында желдің екпіні 17-22 м/с-қа дейін жетуі ықтимал.
Қостанай облысының батысы, солтүстігі мен шығысында тұман күтіледі.
Маңғыстау облысында тұман мен көктайғақ болады. Түнде өңірдің солтүстік-шығысында ауа температурасы -20…-22 градусқа дейін төмендеп, қатты аяз сақталады.
Солтүстік Қазақстан облысында қар жауып, бұрқасын соғады. Кей аудандарда күндіз қар жауып, боран болуы ықтимал.
Жамбыл облысында мезгіл-мезгіл тұман түсіп, желдің екпіні 25 м/с-қа дейін күшеюі мүмкін. Тараз қаласында да таңғы уақытта көріну төмендейді.
Синоптиктер тұрғындарға сапарларын алдын ала жоспарлауға, жылы киінуге және қауіпсіздік шараларын сақтауға кеңес береді.
