«Қазатомөнеркәсіп» басшысы Нұрлан Қаппаров қайтыс болды

АСТАНА. 26 наурыз. Бейжіңде «Қазатомөнеркәсіп» ҰАК АҚ-ның басшысы Нұрлан Қаппаров жүрек талмасынан қайтыс болды. Алдағы күндері оның мүрдесі Алматыға жеткізіледі. Бұл туралы kapital.kz хабарлады. Нұрлан Қаппаров 1970 жылдың 30 наурызында Алматы қаласында дүниеге келді. 1997 жылы Алматы Технологиялық институтын инженер-экономист мамандығы бойынша тәмамдады. Ал 2003 жылы Дж.Кеннеди атындағы Гарвард университетінің Мемлекеттік басқару мектебінен магистр дәрежесін алып шықты. Нұрлан Жамбылұлының қызмет істеген жерлері: 1991-1997 жылдары «Акцепт» корпорациясы» ЖАҚ-ның президенті; 1997-1998 жылдары «ҚазТрансОйл» ЖАҚ-ның президенті; 1998-1999 жылдары «Қазақойл» ЖАҚ-ның президенті; 1999-2001 жылдары Энергетика және минералды ресурстар министрлігінің вице-министрі; 2003-2007 жылдары «Қазинвестбанк» АҚ директорлар кеңесінің төрағасы; 2004-2012 жылдары «Lancaster Group Kazakhstan» АҚ директорлар кеңесінің төрағасы; 2012-2014 жылдары Қоршаған ортаны қорғау министрі; 2014 жылдың тамыз айынан бастап бүгінге дейін «Қазатомөнеркәсіп» ҰАК АҚ-ның басқарма төрағасы болды. Еламан Қоңыр. Дерек: kapital.kz. Сурет: strategy2050.kz.