Uchet.kz мәліметінше, тексеру жүргізу негіздері біріктіріліп, қысқартылды. Тексеру мерзімін ұзарту кезеңі де қысқарды: құрылымдық бөлімшелері жоқ заңды тұлғалар мен жеке кәсіпкерлер үшін – 10 жұмыс күніне дейін, ал құрылымдық бөлімшелері бар заңды тұлғалар үшін – 20 жұмыс күніне дейін.
Салықтық тексеру аяқталғанға дейін талап қою мерзімін ұзарту тәртібі нақты регламенттелді. Тексеру құжаттарын, нұсқамадан басқа, веб-портал арқылы электронды түрде табыстау қарастырылған. Сонымен бірге салық төлеуші нұсқамаға шағым түсірген кезеңде тексеруді тоқтата тұру нормасы алынып тасталды.
Бұдан бөлек, салық жүктемесі коэффициенті тиісті қызмет түрі және өңір бойынша белгіленген жоғарғы көрсеткіштің кемінде 90 пайызына тең немесе одан жоғары салық төлеушілерге қатысты кешенді салықтық тексерулер жүргізу құқығы шектелді.
Бұл шектеулер мына жағдайларда қолданылмайды:
– салық төлеушінің өзі өтініш жасаған кезде;
– Қазақстан Республикасының Қылмыстық-процестік кодексінде көзделген негіздер болған жағдайда;
– прокуратура органдарының талаптары бойынша.
Сондай-ақ микро және шағын кәсіпкерлік субъектілеріне тексеру жүргізу барысында құжаттарды ұсыну туралы талапты екі реттен артық тапсыруға шектеу қойылды. Құжаттарды ұсыну талабының орындалу мерзімі 10 жұмыс күніне дейін қысқартылды.
Жаңа өзгерістер салықтық әкімшілендіруді жетілдіруге және бизнесті негізсіз әкімшілік жүктемеден қорғауға бағытталған.
Шымкентте креативті индустриядан түскен салық көлемі 500 млн теңгеге артты
