фото: видеодан кадр
Көлікті табыстап жатқан сәтін Димаш өзінің Instagram парақшасында жариялады.
Сыйға берілген Hyundai Palisade автокөлігінің сыртында арнайы жазуы, медаль бейнесі және қазақтың ою-өрнектері бейнеленген.
Салтанатты сәтте танымал тұлғалар естелік сыйлықтармен де алмасты. Михаил Шайдоров мәнерлеп сырғанауда қолданатын конькиіне қолтаңба қалдырса, Димаш домбыраға қолтаңбасын жазып, бір-біріне табыстады.
Айта кетейік, мәнерлеп сырғанаушы өзінің сенсациялық чемпиондық бағдарламасын Confessa және The Diva Dance композицияларына орындады. Бұл туындыларды Димаш Құдайберген шырқайды.
Михаил Шайдоров Италияда өткен Олимпиада ойындарында жеңіске жеткеннен кейін Димаш оған автокөлік сыйлайтынын уәде еткен еді.
