АЛДЫҢҒЫ АҒАЛАР СЕНІМІН АҚТАЙМЫЗ

Қазақстан Республикасының Тұңғыш Президенті Нұрсұлтан Назарбаевқа Қазақ елінің атынан  қатысқан Халықаралық математикалық олимпиадалар жеңімпаздары  жеделхат жолдады. Онда былай делінген: “Құрметті Нұрсұлтан Әбішұлы! Тәуелсіздік алғанымызға келесі жылы жиырма жыл толады. Осы уақыт ішінде Отанымыз төрткүл дүниеге танылды. Сіздің “ХХІ ға­сыр – білім-ғылым ғасыры” деген идея­ңыз біз сияқты  жастардың білім алуына кеңінен мүмкіндік жасады. “Болашақ” халықаралық бағдарламасы бойынша мыңдаған жастар әлемнің өркениетті елде­рі­нің алдыңғы қатарлы оқу орын­дарында білім алып, қазір еліміздің өркендеуіне үлестерін қосып жүр. Біз бір кездері дүние жүзінің өркениетті елдерінде өткен халық­ара­лық олимпиадаларға қатысқан­да: “Осындай мәртебеге Қазақ елі қашан жетеді екен?” деп ойлай­тынбыз. Сіздің бастауыңызбен қарыштап дамыған еліміз  қазір даңғыл жолға түсті. Дәулеті мен сәулеті тең өркендеді. Соның нә­ти­жесінде он жылдан аса уақыт ішінде бой көтерген айбынды Аста­намызда 51-ші Халықаралық математикалық олимпиада өтіп жатыр. Әлемнің барлық құрлы­ғы­нан келген жүздеген талантты оқу­шылар білімдерін көрсете отырып, аз уақыттың ішінде төрт құбы­ла­сын түгендеген Қазақ елінің таң­ғажайып жетістіктеріне қызыға қарауда. Бұл біздің мерейімізді өсіріп отыр. Аталған іс-шараның өтуі – Сіздің көреген саяса­ты­ңыздың арқасында жүзеге асып жатқанын біздер жақсы білеміз. Қазақ елінің жастары тәуел­сіздігіміздің жиырма жылдығы қарсаңында өз замандастарына Отанын көрсетіп, мемлекетінің мәртебесін асырып, Елбасының сенімінен шығып отыр. Сіз жүргізіп отырған сали­қа­лы саясаттың арқасында Қазақ елі тек саяси-экономикалық тұр­ғы­дағы қарқынды дамумен шек­телмей, сонымен қатар, ғылым мен білім саласында биік жетіс­тіктерге қол жеткізуде. Оның дәлелі – Қазақстан оқу­шыларының құрама коман­дасының елімізде 51-ші рет өт­кі­зілген Халықаралық матема­ти­кал­ық олимпиадада 98 мемле­кет­тің ішінен оза шауып, 5-ші орынға табан тіреуі. Аса мәртебелі Нұрсұлтан Әбіш­ұлы, Астана тойымен бірге өтіп жатқан Халықаралық мате­ма­тикалық олимпиада біздің замандастарымызды жігер­лен­ді­ріп, келешекке деген талпыны­сын арттырады. Біз Сіздің көшбасшылық сая­сатыңызды қолдаймыз. Сол бір кезеңдерде осындай халық­ара­лық олимпиадаға қатысуға зор мүмкіндік жасағаныңызды еш уақытта ұмытпаймыз. Соның нәтижесінде біз бүгін елімізге бар күш-жігерімізді, білім-өнерімізді жұмсап келеміз. Алдағы уақытта  тәуелсіз еліміздің  мәңгілік тұғырын биіктетіп,   ел мен жерге адалдық танытып, алдыңғы ағалардың сенімін ақтап, бар күш-жігерімізбен қызмет етеміз”. Жеделхатқа Халықаралық ма­те­матикалық о­лимпиадалардың же­ңімпаздары мен жүлдегерлері – алтын медаль иегерлері: Әлібек Ал­дан­ғаров (2001),  Бауыржан Бек­те­мі­ров (2001),  Аман Жұмекешев (2001), Игорь Ганичев (2001),  Қуат Есенов (2003, 2004), Ким Андрей (2004), Егор Клочков (2008), Нұр­сұлтан Қажымұратов (2010), Қа­нат Сатылханов (2010), Денис Ов­чин­ников (2010); күміс медаль иегерлері: Сергей Ументаев (2001), Бауыржан Үргенішбаев (2003), Дәнияр Келбетов (2005),  Нұрбол Дүйсенбаев (2006),  Игорь Стасий (2007),  Нұрсұлтан Қажымұратов (2007, 2008), Еркін Түсіпбеков (2008), Рауан Рахмет (2010), Медет Жанболатұлы (2010) және қола медаль иегерлері: Михаил Шахматов (1999), Ринат Бекболатов (1999),  Алексей Докторович (1999),  Рустам Темірбеков (1999), Жандос Есенбаев (1999), Ширәлі Қадыров (1999), Ұлан Мұқашев (2000),  Әнуар Қауымбаев (2000),  Рүстем Таханов (2000),  Мейрам Мырзаболатов (2002), Дәурен Аужани (2003), Дамир Елеусізов (2004), Виктор Сосин (2005), Қайрат Жұбаев (2005), Мерлан Нагидулин (2006), Дәулет Жангузин (2006), Әсет Мұсағалиев (2006), Әлен Баев (2007), Ескендір Қасенов (2008),  Әсет Дәлиев (2008), Санжар Ораз­баев (2009), Біржан Молдағалиев (2009), Төлеби Сайлауов (2009) қол қойған.