17 Шілде, 2010

А А А

491 рет
көрсетілді
6 мин
оқу үшін
(Астана – Алматы – Азиада) Осы күндері елімізде тұң­ғыш рет алауы тұтанатын қыс­қы Азия ойындары жақында­ған сайын оған деген дайын­дық қыза түсуде. Келесі жыл­дың 30 қаңтары мен 6 ақпаны аралығында өтетін Азиаданың басталуына, бүгінгі, 16 шілде күнін есептегенде, 196 күн қа­лып отыр. Осы уақыт аралы­ғын­да Қазақстан Азия ойын­да­рын алғаш рет өткізетін ел ретінде төрт жылда бір келетін байрақты бәсекеге дайындық жұмыстарын лайықты жүргі­зуде ме деген мәселе қазір Азия олимпиялық комитетін ғана емес, біздің өзімізді де ара-тұра алаңдатып қоятыны жасырын емес. Сәрсенбі күні осы мәселе­ге байланысты Туризм және спорт министрлігі мен қысқы Азиаданы ұйымдастыру коми­теті атқарушы дирекциясының бірігіп өткізген жиынында Ас­тана және Алматы қалаларын­да өтетін келесі жылдың басты бәсекесіне дайындық барысы туралы жан-жақты мәлімет бе­рілді десе болады. Туризм жә­не спорт вице-министрі Тал­ғат Ермегияевтің айтуынша, бүгінгі күні ойындарды өткізе­тін нысандардың 75 пайызы­ның құрылысы бітті. Оларды салуға, қайта жөндеуге бөлін­ген қаржы толығымен игері­лу­де. Соның нәтижесінде негізгі нысандарды тапсыру күзге жос­парлануда. Қазір биатлон ста­дионы, шаңғы тебу трас­са­сы, “Табаған” спорттық-сау­ық­тыру кешенінің құрылысы аяқталып, олар жарыстарға тас-түйін дайын отыр. Со­ны­мен бірге оның айтуынша, Ал­матыдағы әйгілі “Шымбұлақ” спорттық базасының қаржы­лық мәселесі шешілді. Жа­қын­да оған байланысты Қар­жы министрлігінде өткен жи­ында “Шымбұлақ” базасының қазіргі жағдайы туралы көп айтылып, ол мәселе дер кезін­де шешімін тапты. Ал “Ме­деу” айдынының құрылысы қыркүйек айында бітеді деп жоспарлануда. Балуан Шолақ атындағы спорт сарайы болса, нысандардың ішіндегі ең соңғысы болып желтоқсан айында тапсырылады делінуде. Жиында Астанадағы спорт алаңдарына байланысты вице-министр “Қазақстан” спорт ке­шенінің құрылысына 3 млрд. теңге бөлінгенін, қазір со­ның қаржысы игеріліп, ны­санның 70 пайызы аяқталып қалғанын айтса, соңғы үлгідегі салынып жатқан велотрекке 18,5 млрд. теңге бөлінгенін, оның құрылысының 75 пайызы біткенін жеткізді. Ал коньки мұз айдынына кел­генде ол қазір оның құрылысы техникалық өзгерістерге бай­ла­нысты кешігіп жатқанын, алайда, қаржыға қатысты еш­қандай мәселе тіреліп тұр­ма­ғанын мәлімдеді. Осы жиында белгілі болған тағы бір нәрсе, қазір Азия ойындарына қаты­суға 21 мемлекеттен өтініш ке­ліп түсіпті. Туризм және спорт министрлігі Спорт істері жө­ніндегі комитетінің төрағасы Елсияр Қанағатовтың айтуын­ша, бір аптаға созылатын Аз­и­а­дада жарыстың 11 түрінен 69 медаль жиынтығы сарапқа са­лынатын болса, келетін қо­нақтар саны 3,5 мың адамға же­теді деп күтілуде. Сонымен бірге ол ойындарға қатысу­шы­лар мен қонақтарды орналас­тыруға арналған қонақ үйлер тізімі түпкілікті бекітілгенін мәлімдеді. Ойындардың же­ңім­­паздарын марапаттау ме­даль­дерінің дизайны да бекі­ті­ліп, ол Елбасы келісіміне ұсы­ныл­ды. Ал қысқы Азиаданы ұйымдастыру жөніндегі атқа­рушы дирекция директоры­ның орынбасары Евгений Никитинскийдің пікірі бой­ын­ша, Азиадаға арналған әрбір спорт нысаны – өз алдына бір сәулет туындысы болып са­­налады. Қазір коньки тебу ста­дионының дизайны көпшілікті қызықтыруда. Оның жасыл шатыры мен үш сары түсті әкімшілік блогы қысқы қарлы пейзажбен ұштасып – орман алқабы сияқты көрініс береді. Ал велотректің дизайны “Ас­тана” велокомандасы жеңісіне арналып, спортшылардың шле­мінің стилінде жасалған. Қазіргі кезде бірқатар ұлттық және шетелдік компаниялар­мен демеушілік бағдарлама­лар­ға қатысу жөнінде келіс­сөздер жүргізілуде. Алдағы жылдың 30 қаңта­ры мен 6 ақпаны арасында жа­рыстар ішінде шайбалы хок­кей ойыны “Қазақстан” спорт кешенінде, тау шаңғысы жарыстары “Шымбұлақ” ба­засында, допты хоккей “Ме­деу” мұз айдынында, фрис­тайл бәсекелері “Табаған” спорттық-сауықтыру кешенін­де, әйелдер арасында өтетін хоккей ойындары Балуан Шо­лақ атындағы спорт сарайын­да, тұғырдан секірушілер әлем­дегі үшінші халықаралық шаңғы трамплиндерінің біре­гей спорт нысанында өтетін болады. Осы кезге дейін қысқы Азия ойындары Жапония, Қы­тай және Оңтүстік Кореяда өт­кізілді. Алғаш рет ол 1986 жы­лы Күншығыс елінің Сап­поро қаласында жалауын кө­тер­ді. Мұнда 7 мемлекеттен кел­ген 425 спортшы 7 спорт тү­рі бойынша сынға түсті. 1990 жылы тағы да осы жерде ойындар болып өтті. Бұл жолы оған қатысқан 10 елдің 414 өкілі 6 спорт түрінен жарысты. Келесі Азиада 1996 жылы Қытайдың Харбин қаласында өтіп, онда 16 елден келген 660 спортшы жарыстың 7 түрін сарапқа салды. Одан кейін осы ойындардың алауы 1999 жылы Кореяның Кангвон қаласында тұтанды. Сол кезде мұнда жиылған 21 елдің 799 өкілі 7 спорт түрінен бәсеке­лес­ті. 2003 жылы Жапонияның Аомори қаласында өткен ке­зек­ті Азиадаға 17 елдің 641 саң­лағы қатысып, 11 спорт тү­рінен сынға түсті. Ал соңғы рет 2007 жылы Қытайдың Чан­чунь қаласында өткізілген жарысқа 45 мемлекеттің 1100 өкілі қатысып, спорттың 10 түрінен бақ сынасты. Дастан КЕНЖАЛИН.