Чемпиондар лигасы. Іріктеу турнирінің плей-офф бәсекесі басталды

АСТАНА. 19 тамыз. Өткен түнде УЕФА Чемпиондар лигасы іріктеу турнирінің плей-офф бәсекесі басталды. Соның шеңберінде ойналған бес ойынның нәтижесі белгілі. Олардың арасында «Астана» – АПОЕЛ матчы да бар. Бұл туралы egemen.kz хабарлады. Елордалықтар өз алаңында өткізген алғашқы кездесуде Кипрден келген клубты 1:0 есебімен жеңді. Жалғыз голдың авторы – Бауыржан Жолшиев. Ол ойынның 13-минутында баспен қарсыластар қақпасын дәл көздеген болатын. Енді 26 тамызда қос команда АПОЕЛ-дің алаңында қарымта кездесу өткізеді. Чемпиондар лигасының топтық сайысына жолдама алу үшін «Астанаға» Кипрде тең ойнаса да жеткілікті. Қалған төрт тартыстың нәтижелері төмендегідей: БАТЭ (Борисов, Беларусь) – «Партизан» (Белград, Сербия) 1:0 Гол: Михаил Гордейчук 75. «Лацио» (Рим, Италия) – «Байер» (Леверкузен, Германия) 1:0 (0:0) Гол: Бальде Кейта 77. «Манчестер Юнайтед» (Манчестер, Англия) – «Брюгге» (Брюгге, Бельгия) 3:1 (2:1) Голдар: Мемфис Депай 13, 43, Маруан Феллайни 90+4 – Майкл Кэррик 8, автогол. «Спортинг» (Лиссабон, Португалия) – ЦСКА (Мәскеу, Ресей) 2:1 (1:1) Голдар: Теофило Гутьеррес 12, Ислам Слимани 82 – Сейду Думбия 40. Бұл командалардың да қарымта кездесулері 26 тамызда өтетінін айта кетейік. Сонымен қатар, бүгін түнде плей-офф сынының қалған бес ойыны ойналады. Аталған матчтарда мына командалар күш сынасады: «Скендербеу» (Корча, Албания) – «Динамо» (Загреб, Хорватия) «Селтик» (Глазго, Шотландия) – «Мальме» (Мальме, Швеция) «Базель» (Базель, Швейцария) – «Маккаби» (Тель-Авив, Израиль) «Рапид» (Вена, Австрия) – «Шахтер» (Донецк, Украина) «Валенсия» (Валенсия, Испания) – Монако (Монако, Франция). Жалпы, Чемпиондар лигасының топтық сайысында 32 команда ойнайтыны белгілі. Оның 22-сі тікелей жолдамаға ие болса, қалған 10 команда жоғарыдағы ойындардың нәтижесі бойынша анықталады. Еламан Қоңыр. Дерек: egemen.kz. Сурет: uefa.com.