Елбасының төрағалығымен Қауіпсіздік Кеңесінің жедел кеңесі өтті

АСТАНА. 21 тамыз. Мемлекет басшысының төрағалығымен Қауіпсіздік Кеңесінің жедел кеңесі өтті. Бұл туралы egemen.kz тілшісі хабарлады. Кеңеске Қауіпсіздік кеңесінің тұрақты мүшелері мен бірқатар мемлекеттік органдардың басшылары қатысты. Онда арнаулы органдардың қызметін жетілдіру, талдау және болжау жұмыстарының сапасын арттыру мәселелері қаралды. Президент сыртқы нарықтардағы үдерістерді мұқияттылықпен мониторингтеу, ахуалдың өзгеруін, ықтимал тәуекелдер мен қатерлерді бағалау, сондай-ақ оқиғалардың дамуын болжау негізінде алдын алу шараларын әзірлеу қажеттігін атап өтті. Елбасы мемлекеттік органдардың әлеуметтік-экономикалық даму, сондай-ақ бес институционалдық реформаның және «Нұрлы жол» бағдарламасының стратегиялық міндеттерін жүзеге асыру жөніндегі жұмыстары ел ішіндегі және әлемдегі жағдайды жан-жақты талдауға негізделуі тиіс екендігін айтты. Кеңес қорытындысы бойынша мемлекеттік органдарға нақты тапсырмалар берілді. Айдар Өрісбаев. Дерек, сурет: akorda.kz.