Қостанайда бірінші рет ауыл шаруашылығы техникаларының көрмесі өтті

 ҚОСТАНАЙ. 2 сәуір. Қостанайда бірінші рет ауыл шаруашылығы техникаларының көрмесі өті. Оған Қостанай, Қарағанды, Солтүстік Қазақстан, Ақмола облыстарынан, көрші Ресейдің Челябі облысынан барлығы 60-тан аса кәсіпорындар қатысты. Бұл туралы egemen.kz тілшісі хабарлады. Көрмеде жатка, кептіргіш, тракторлар, дән атқыш, шашыратқыш секілді техникалар мен жабдықтарды көрсетті. Техникалар мен жабдықтардың  қуаты, көлемі  саналуан.  Сонымен қатар компаниялар көрмеде тек техникалар ғана емес, ауыл шаруашылығына пайдаланатын химия және тұқымдық астық және құралдарды да ауыл шаруашылығы өнімдерін өндірушілердің назарына ұсынды. Мысалы, қостанайлық «Агротехсервис» кәсіпорны жем ұсақтағыш техникасын көрмеге қойды. Сұранысқа ие жабдық. Кәсіпорын оны жергілікті нарықта бес жылдан бері жақсы өткізіп келеді.  Көрмеге қатысқан инженерлердің айтуынша, көрме өз өнімін жарнамалауға ұтымды шара. Бұл жерден  жаңа әріптестер  табылады.  «Агротехсервис» кәсіпорнының директоры А.Борзенко: «Тауарларымызды сатуда қиындықтар бар. Қазір интернет заманы, бірақ  біззің  шаруалардың көпшілігінде. Ал көрме ақпараттық кеңістік секілді. Ауылшаруашылығына жаңа көзқараспен қарайтындар, жаңаша жұмыс істегісі келетіндер, дамуды көздейтіндер озық техникалар мен жабдықтарды алады», деді. Көрмені ұйымдастырушылар екі жаққа тиімді келісімдер жасалады деп үміттенеді. Мұндай көрме күзгі жиын-терін алдында да өтетін болады. Нәзира Жәрімбетова. Дерек: egemen.kz Сурет: egemen.kz