Алғашқы қоңырау

Қуаныш  тербеп  көңілді, Жүздерден   алау  төгілді. Тыңдашы  сыры  мол  үнді, Алғашқы  қоңырау  соғылды.   Құшаққа  гүлдер  көмілді, Шуаққа мектеп  шомылды. Құттықтап  ұстап  қолыңды, Алғашқы қоңырау соғылды.   Жайлы бір  дауыс  қонымды, Ұялап  алды көгімді. Көрсетер  оң мен  солыңды, Алғашқы қоңырау соғылды.   Нұрлы  таң  қайта жалғасты, Арманға арман арна ашты. Сыңғырлай  берші бір  тынбай, Қоңырауым менің алғашқы!   Ұстазға хат Бойға  жиған  тәрбие мен  тәлімді, Айналайын, әріптестер, дарынды! Отқа түстің бақыты үшін баланың, Жалау қылып  арманың мен арыңды.   Қуат  алып біліміңнен, батаңнан, Қаншама  жас  озып  шықты қатардан. Өздерің  ғой  ең аяулы адамдар, Ел ішінде  өздерің ғой  қаһарман!   Бірі – күннің сәулесіндей,  бірі – айдың, Сендерсіңдер – шырайлы да шұрайлы. Жарық  дүниеде  еш жамандық  көрме  деп, Жаратқаннан  жалынып  мен  сұраймын.   Атажұртты мекендеген  текті  елдің, Перзентіне  білім-білік  жеткердің. Анық  басып  жалықпауға ұмтылып, Уақытыңды  ұрпаққа арнап  өткердің.   Болашақты тәрбиелеу  хақында, Сәулелі ойды  жидың  ылғи  ақылға. Шәкірттердің  күлкісіне бөленіп, Шаршамаңдар, мақұл ма?   Жүректерден  арай  шашып  маңайға, Талаптыға  қанат болдың  қалайда. Болашақтың бақыты  үшін, достарым, Аман-есен  болыңдаршы,  жарай  ма?!   Сендерсіңдер  жүрегіме  ең ыстық, Еңбегіңнен  рахат  күт,  жеңіс  күт! Бәсекеде  бас  бәйгені  алайық, Келістік пе? Келістік! Нұрғали Ибрайым, А.Иманов атындағы жалпы орта мектеп директоры. Оңтүстік Қазақстан облысы, Шардара қаласы.