Елбасына – І дәрежелі «Манас» ордені

Қазақстан Президенті Нұрсұлтан Назарбаев Қырғыз Республикасының Президенті Алмазбек Атамбаевпен кездесті, деп хабарлады Қазақстан Президентінің баспасөз қызметі. Мемлекеттер басшылары негізгі салалардағы екіжақты ын­ты­мақтастықты одан әрі дамы­ту мәселелерін, сондай-ақ, өңір­лік және халықаралық құрылым­дар аясындағы өзара ықпал­дас­тықтың жолдарын талқы­лады. Сонымен қатар, халық­ара­лық күн тәртібіндегі мей­лінше маңызды жайттар жөнінде әңгіме өрбіді. Нұрсұлтан Назарбаев екі ел халқының тарихи, тілдік және мә­дени жақындығына назар аударды. – Қырғызстанда тұрақтылық пен тыныштықтың сақталуы, елдің дамуының жалғасуы, мық­ты мемлекет болуы – барлық қазақ­стандықтардың ойы осы, – деді Қазақстан Президенті. Алмазбек Атамбаев екі ел арасындағы достық пен тату көршілестік қарым-қатынасты ны­ғайтуға қосқан елеулі үлесі үшін Қырғызстан халқы атынан Нұрсұлтан Назарбаевқа I дәре­желі «Манас» орденін тапсырды. Қазақстан Президенті жоғары награда үшін алғысын білдіріп, өзара ықпалдастықты одан әрі да­мы­тудың маңыздылығын атап өтті. – Бұл наградаға лайық болуға, елдеріміз арасындағы достық пен бауырластықты нығайтуға, қарым-қатынасымыздың дең­гей­ін одан әрі арттыруға тырыса­мын, – деді Нұрсұлтан Назарбаев. Суреттерді түсіргендер С.БОНДАРЕНКО, Б.ОТАРБАЕВ.