“Дарын” мемлекеттік жастар сыйлығының конкурсы

Қазақстан Республикасы Білім және ғылым министрлігі 2010 жылғы 27 қыркүйек және 20 қазан аралығында Қазақстан Республикасы Үкіметінің “Дарын” Мемлекеттік жастар сыйлығына конкурс жариялайды. “Дарын” Мемлекеттік жастар сый­лығы (бұдан әрі – сыйлық) Қазақстан Республикасының 35 жасқа дейінгі аза­мат­тарына жемісті ғылыми, шығар­ма­шы­лық және қоғамдық қызметі үшін бері­леді. Сый­лық талантты жастарды ын­таландыру және олардың айрықша сіңір­ген еңбегін тану мақсатында беріледі. Сыйлық мынадай (саны 10): ғы­лым, әдебиет, журналистика, спорт, халық шығармашылығы, ди­зайн және бейнелеу өнері, эстрада, театр және кино, клас­си­калық музыка, қо­ғамдық қызмет атау­лары бойынша екі жылда бір рет беріледі. Сыйлық беруге қызметі инно­ва­циялық болып табылатын және тиісті саланы және тұтастай алғанда қоғамды дамытуға ықпал ететін кандидаттар ұсынылады. Бір кандидатураны сыйлыққа қайта ұсынуға болмайды. Бір кан­дидатураны бір саладан артық сый­лыққа ұсынуға болмайды. Ізденушіге келесідей құжаттар ұсынылады: Ұсынымхат-мінездеме; Ұсынушы ұйымның шешімі; Жеке парақ; 2 сурет (4х6). “Ғылым” атауы бойынша қо­сымша арнайы мемлекеттік ғылыми-техникалық сараптаманың қоры­тындысы қажет. Спектакльдерді, кино және теле­фильмдерді, бейнелеу өнерінің көр­ме­лерін қарауды, концерттік бағдарла­малар мен музыкалық шы­ғармаларды тыңдауды ұйымдас­тыру, сыйлыққа ұсы­нылғандардың қызметімен таныстыру ұсынушы ұйым­дармен бірге Қазақстан Рес­публикасы Үкіметінің “Дарын” Мем­лекеттік жастар сыйлығы жө­нін­дегі Комиссиясына жүктеледі. Сыйлық алған адамдарға Қазақ­стан Рес­публикасы Үкіметінің “Дарын” Мем­лекеттік жастар сый­лығы­ның лау­реаты” атағы беріліп, диплом, омырауға тағатын белгі және ақшалай сыйлық табыс етіледі. Сыйлық авторлар ұжымына бе­ріл­се, оның ақшалай бөлігі олар­дың мүшелері арасында тең бө­лінеді. Сыйлықтар салтанатты жағдай­да тап­сырылады, наградтау рәсімі Қазақстан Республикасының Тәуел­­сіздік күніне орайла­стырылады. Конкурстық құжаттар 2010 жылғы 27 қыркүйек және 20 қазан аралығында Қазақстан Рес­пуб­ли­касының Білім және ғылым ми­нистрлігінің Тәрбие жұмысы және жастар саясаты департа­ментінде келесі мекен-жай бойынша қабыл­данады: 010000, Астана қ., Орын­бор көшесі, 8, Министрліктер үйі, 659 каб., тел.: 74 23 52.