“Құс күні”

Қорғалжында тұңғыш рет “Қоқиқаз-2010” фестивалі өткізілді Көкшетауда облыстық спорт жә­не туризм басқармасы мен Қор­­ғал­жын ауданының әкімдігі туған жердің табиғаты мен аң-құстарын қорғау, экологиялық туризмді насихаттау, табиғатқа жанашырлық сезімін қалыптастыру мақсатында тұңғыш рет “Қоқиқаз-2010” фестивалін өт­кізді. Оны облыстық мәслихат хат­шысының міндетін атқарушы Галина Марченкова, Қорғалжын ауданы мен Көкшетау қаласы әкімдерінің ор­ынбасарлары Сағадат Аққожина, Айна Мысыр­әлімова құттықтау сөз­бен ашып, фестиваль­дің маңызды­лы­ғын атап өтті. БҰҰ даму бағдарламасына ен­гізілген Қорғалжын мемлекеттік қо­рығы 542 гектар аумақты алып жат­қан әлемдегі ең үлкен қорық сана­лады. Мұнда құстың 346, өсімдіктің 347, жәндіктердің 1000-нан астам және балықтың 14 түрі тіркелсе, “Қызыл кітапқа” енгізілген құстың 46 түрі ұя салады. Баршамыздың мақтаны­шы­мызға айналған сирек құс – қоқи­қаз­дың саны 65 мыңнан асып жығылады. Бұл шетелдік туристерді де айрықша қызықтыруда. Мәселен, былтыр қорықтың “Есік ашар” көрмесін он мыңнан астам адам тамашалады. Қорық директорының орын­ба­сары Борис Рыбаков туризм индус­триясын дамыту бағытындағы ат­қарылған жұмыстар мен алдағы жоспарлар туралы кеңінен әңгімеледі. Үш бағытта ұйымдастырылатын танымдық саяхат картасы таныс­ты­рылды. Сондай-ақ, ұлттық қолөнер және қылқалам шеберлерінің байқауы ұйымдастырылып, жеңімпаздар марапатталды. Бақберген АЬАЛБЕК, Ақмола облысы.