“Болашақтың” туы көтерілді

Ертеңін ойлайтын Ерейментау “Бар жақсымыз – балаларға!” ұра­нын аспандатумен келеді. Соның бір айғағы ұлттық тілде тәлім-тәрбие беретін 320 орындық “Болашақ” балабақшасының салтанатты жағ­дайда ашылуы дер едік. Александр Демидов басқаратын “Ақмола құрылыс материалдары” ЖШС 421,5 миллион теңгеге ба­ға­ланған құрылысты кестелі мерзімде аяқтады. Мұнда озық мекеме дәре­жесіндегі талаптардың барлығы қа­рас­тырылған. Жоғары сұра­ныс­тағы бөбектер ордасында қазірдің өзінде 12 топ құрылып отыр. Балабақша меңгерушісі Айнагүл Ома­рова жаңа нысанда 103 жұмыс ор­нын ашу жоспарланып отырғанын айтады. Бақберген АМАЛБЕК. Ақмола облысы.