Қажырлы қызмет қарымы

Жемқорлық – індет, жою – міндет Елімізде сыбайлас жемқор­лыққа қарсы күрес күннен-күнге қанатын кеңге жайып келеді. Оның үздіксіз және сапалы жүр­гізілуі халқымыздың әл-ауқатының артуына, экономикамыздың ны­ғаюына әсерін тигізері анық. Бұл тұрғыдан алғанда Кедендік бақы­лау комитеті де сыбайлас жемқор­лықпен күрестен шет қалып көр­ген емес. Мұнда сыбайлас жем­­қорлыққа қарсы күрес бойынша жүйелі шаралар үнемі қабылданып және негізгі басым бағыт ретінде кеден органдары жүйесінде оның көріністерінің алдын алуға айрық­ша көңіл бөлінеді. Мәселен, үстіміздегі жылдың 9 айында кеден органдарының лауа­зым­ды тұлғаларына қатысты бар­лығы 81 қылмыстық іс қозғал­ған. Олардың 28-і сотқа жолда­ныпты. Соның ішінде 10 миллон­нан астам теңгені жымқырған “Астана – жаңа қала” кеденінің әкімшілік-шаруашылық жұмыстар және бух­гал­терлік есеп бөлімінің бастығы К. Текебаеваға қатысты ішкі қауіп­сіздік бөлімі қозғаған қылмыстық істі қарау нәтижесі бойынша сот айыптау үкімін шығарып, оны 5 жылға бас бос­тан­д­ығынан айырды. Сол сияқты Қарағанды облысы бойынша кедендік бақылау депар­таменті ішкі қауіпсіздік бөлімінің осы департаменттің бас маман-бухгал­тері М.Миленкова Қазыбек би аудандық сотының үкімімен 5 жыл­ға бас бостан­дығынан айыру жазасына кесілді, – дейді Қаржы министрлігі Кедендік бақылау комитеті баспасөз қызметінің жетек­шісі Е.Байтана. Жалпы, осы есеп беру кезеңі ішінде кеден органдарының лауазымды тұлғалары жасаған 69 сыбайлас жемқорлық құқық бұзушылық фактісі анықталған. Өзіне тапсырылған бөлімшелерде сыбайлас жемқорлық қылмыс және құқық бұзушылық факті­леріне жол берген республика кеден органдары басшы құрамы­ның 23 лауазымды тұлғасы тәртіп­тік жауапкершілікке тартылыпты. Кеден органдары кеден ісі саласындағы құқық бұзушылықтар мен қылмыстарды жою бойынша алдын-ала пәрменді шараларды қабылдаудың арқасында аталған 9 айда 580 қылмыстық іс қозғалса, оның ішінде экономикалық конт­рабанда бойынша 326 іс, кедендік төлемдер мен салықтардан бас тар­ту бойынша 71 іс, айналымнан алын­ған заттардың контрабандасы бойынша 103 іс қаралып, ашылған. Міне, осындай қажырлы жұ­мыс­тардың арқасында 2010 жылғы қаңтар-қыркүйекте кеден орган­дары мемлекет бюджетіне 487,3 млрд. теңге кедендік төлемдер мен салықтар түсуін қамтамасыз етті. Сөйтіп, болжамды тапсырманың орындалуы 110,1 пайызды құрады. Ал мемлекетке келген 11,1 млрд. (3,1 млрд.) теңге шығын қазынаға қайтарылды.