27 Қазан, 2010

Лондонда Қазақстан бизнес-форумы өтті

452 рет
көрсетілді
1 мин
оқу үшін
Форумды телебайланыс арнасы бойынша құттықтау сөзбен Қазақстанның Премьер-Министрі Кәрім Мәсімов ашты. Осы форумға Астанадан құт­тық­тау жолдауға рұқсат етіңіздер! Қазақстан-Британия сауда палатасы мен “Самұ­рық-Қазына” қорына осындай форум­ды ұйымдастыр­ға­ны үшін алғыс біл­діремін. Осы форумның Лондонда өтіп жат­қа­нының өзі бір нышан, өйткені, Лондон – бұл Қазақстан үшін көп­теген маңызды шетелдік ин­вес­­торлардың орталығы және Лондон Сити қазақ компа­ния­лары өзінің ха­лықаралық капи­тал­дан­дыруын арт­тыруға ұмты­ла­тын жер. Сондықтан, бұл көп­теген мәселелер бойынша, оның ішінде әлемдік экономиканы қал­пына кел­тіру туралы пікір талас­тыра ала­тын саясаткерлер, биз­нес­мен­дер, сарап­шылардың кездесуіне ар­нал­ған алаң, деп атап өтті Қазақ­стан Үкіметінің басшысы өз сөзінде. Форумның бірінші күнінде сек­циялар бойынша пікірталастар ұйым­дастырылды. Пікірталасқа “Самұрық-Қа­зы­на” АҚ-тың басқарма төрағасы Қ.Ке­лім­бетов, Қазақстанның Ұлы­британия­да­ғы елшісі Қ.Әбу­сейі­тов, Біріккен Ко­рольдіктің Қазақстандағы елшісі Дэвид Мо­ран, Британия-Қазақстан пар­­тия­аралық парламенттік тобы­ның төрағасы Лорд Вейверли, Еу­ро­па Қайта құру және даму банкінің Ор­талық Азия, Түркия, Шығыс Еу­ропа және Кавказ бойынша бас­қа­рушы дирек­торы Оливьер Декамп, Ұлы­британия Сыртқы істер ми­нистрі Лорд Хон Хауэлл, Қазақ­станның ұлт­тық ком­пания­ларының басшы­лары, инвестор­лар, транс­ұлт­тық компаниялардың өкілдері, сарап­шылар, журналис­тер қатысты. Форумның екінші күні “Қа­зақ­­стан­ның банк және қаржы сектор­ларының тәжірибесі мен перспек­тивалары”, “Қазақстанда инвести­циялау тәуекелдері мен мүмкін­діктері” тақырыптарында пікірталас өрбіді. “Егемен-ақпарат”.