Шапағатты шара

Мемлекеттік тілдің қолдану аясын кеңейту және дамыту мақсатында Мәдениет министр­лігі Тіл комитетінің ұйымдастыруымен өткен “Тілдарын – 2010” республикалық олимпиа­дасы өз мәресіне жетті. Шараның негізгі мақсаты: үш тілді – қазақ, орыс және ағылшын тілдерін жетік меңгерген қабілетті жастарды анықтау және қолдаумен бірге, тілдік қарым-қатынас мәдениетін қалып­тастырып, көп тілді меңгерген тұлғаны тәрбие­леу, қазақстандық патриотизмді нығайту, өзге халықтардың мәдениеті мен тілін құрметтеу болып табылады. Байқауға еліміздің барлық облыстары және Астана мен Алматы қалаларынан облыстық, қалалық деңгейде өткізілген байқаулардың же­ңім­­паздары қатысып, өз өнерлерін ортаға салды. Сөйтіп, шапағатты шара мәреге жетіп – үш тілді жетік меңгерген ғалым-мамандардың қазылық алқа шешімімен “Тілдарын – 2010” республикалық олимпиаданың бас жүлдесін – Астана қаласы “Астанаэнергосервис” акцио­нерлік қоғамының заңгері Индира Өмірзақова иеленсе, бірінші орынды – Ақтөбе қаласын­дағы №28 орта мектептің мұғалімі Әсия Куса­лиева қанжығасына байлап, екінші және үш­ін­ші орындар – Шымкент қаласы М.Дулати атын­­дағы үш тілде оқытатын мамандан­ды­рыл­ған дарынды балаларға арналған №8 гимна­зияның ағылшын тілі пәнінің мұғалімі Бегайым Әділханова мен Шәкәрім атындағы Семей мемлекеттік университетінің ІІІ курс студенті Арайлым Садықоваға бұйырды. Сондай-ақ, байқау жеңімпаздары арнайы дипломдармен, алғыс хаттармен және басқа да сыйлықтармен марапатталды. Берік САДЫР.