Қостанайда бұрынғы әкімінің үстінен сот ісі басталды

ҚОСТАНАЙ. 25 қаңтар. Қостанай қаласының бұрынғы әкімі, «әкімиат ісі» атты шулы істің басты тұлғасы Ахмедбек Ахметжановқа қатысты сот ісі басталды. Бұл туралы egemen.kz тілшісі хабарлады. Сотты маманданлдырылған ауданаралық қылмыстық сотының судьясы Елік Сералин жүргізеді. Ахметжанов осыған дейін үй қамағында отырған болатын. Ол адвокаты Василий Белоножкомен сотқа өзі келді. Дабырлы істің өзге фигуранттары – қала әкімінің бұрынғы орынбасары Мақсұт Қалиевті, кәсіпкерлер Леонид Васильев пен Гагик Овнанянды және Сергей Бектібаевты конвой алып келді. Еске сала кетсек, облыс орталығының бұрынғы әкімі Ахмедбек Ахметжанов өткен жылдың 11 қыркүйегінде үй қамағына алынған болатын. Оған әу баста лауазымдық қызметін асыра пайдаланған, кәсіпкерлікке кедергі жасаған деген кінә тағылған болатын. Енді сотқа дейінгі тергеу барысында 74 миллион теңге пара алды деген айып қосылып отыр. Нәзира Жәрімбетова. Дерек, сурет: egemen.kz.