Оңтүстік Қазақстан облысында ауылдағы шаруаға жеңілдік көбейеді

ШЫМКЕНТ. 28 қаңтар. Оңтүстік Қазақстан облысы инвестиция тартуда республикада алдыңғы орында. Бұл туралы облыстық кәсіпкерлік, индустриялды-инновациялық даму және туризм басқармасының басшысы Мақсат Қарабаев мәліметіне сүйеніп egemen.kz тілшісі хабарлады. Мақсат Қарабаев Астанада бизнес форумы өтіп, шетел инвесторлары шақырылғанда шетелдік инвесторлардың алғашқы сұрағы «жер бар ма?» болады дейді. Еліміздің барлық облыстарынан келген өкілдер «бар» деп жауап қатады. «Оларға инфрақұрылым тартылған ба?» деп сұрағанда барлығы дерлік үнсіз қалады. Біз «инфрақұрылым тартылған» деп жауап береміз. Өйткені, біз инустриялдық аймақтарға ең алдымен инфрақұрылмын жасап аламыз», деді ол. Сонымен қатар облыста «БЖК 2020» бағдарламасының іске асырылуынан бастап жалпы құны 482,1 млрд. теңге болатын 997 жоба мақұлданып, 16 мыңнан астам жұмыс орны ашылды. Оның ішінде 2015 жылы жалпы құны 202,6 млрд.теңгеге 275 жоба мақұлданған. Сондай-ақ, бүгінде облыста ауылды жерлерден шыққан кәсіпкерлерді қолдау мақсатында арнайы бағдарлама әзірленуде. Аталған бағдарлама аясында кәсіпкерлерге бар болғаны 0,5 пайызбен субсидия беру жоспарлануда. Құдай қос көрсе, Оңтүстіктің ауылдарында шағын және орта кәсіп қанатын бұрынғыдан да кең жаяды. Бақтияр Тайжан. Дерек, сурет: Оңтүстік Қазақстан облыстық аймақтық коммуникация қызметі.