Комиссия мүшелері «Ауыл» партиясының штабында болды

Кеше Қазақстан Республикасында Сайлауды байқау жөніндегі республикалық қоғамдық комиссия (СБРҚК) мүшелері «Ауыл» халықтық-демократиялық патриоттық партиясының сайлауалды штабында болып, осы партия мүшелерімен кездесу өткізді. Кездесуге СБРҚК төрағасы Нұрлан Ерімбетов, комиссия мүшесі Аманқұл Серікбаев, «Ауыл» партиясының төрағасы Әли Бектаев және осы партия сайлауалды штабының жетекшісі Рүстем Жоламан қатысты. Кездесуге қатысушылар элек­торатты науқанның шешу­ші қырларын, СБРҚК байқау­шы­ларының «Ауыл» партиясының республикалық және өңірлік сайлауалды штабтарымен өзара іс-қимылы мәселелерін талқылады. Кездесу барысында СБРҚК төра­ғасы Нұрлан Ерімбетов СБРҚК миссиясы мен қызметі туралы айтып берді: – Қазақстанда қоғамдық бай­қау жүйесі жылдан-жылға жетіл­діріліп келеді. Атап айтқан­да, өзгерістер бұрынғы нәти­желі тәжірибелерді есепке ала отырып, халықаралық стандарт­тарды өзіне міндетті енгізу­ден айқын көрінеді. Біздің қоғам­дық комиссияның алдағы Мәжіліс пен барлық деңгейдегі мәслихаттар сайлаулары үдеріс­тері аясындағы мақсаттары мен міндеттеріне қатысты айтатын болсам, біздің мойнымызға әр­кез үлкен жауапкершілік жүк­те­леді: біз сайлау үдерісіне бар­лық қатысушылардың құқық­тары сақталғанын, барлық канди­дат­тарға теңдей жағдайлар мен мүм­кіндіктердің жасалғанын бақылаймыз. Сондай-ақ, біз үгіт материалдарын сараптамадан өткізіп, телевизиялық бағ­дар­ламаларға, интернет-жария­ланымдарға, баспасөзге, және тұтастай алғанда, сайлау бары­сына бақылау жүргіземіз. Да­уыс беру күні, тиісті оқытудан өт­кен СБРҚК байқаушылары, әрбір сайлау учаскесінде жұмыс істей­тін болады, – деп атап өтті Н.Ерім­бетов. «Ауыл» партиясының төр­ағасы Әли Бектаев СБРҚК мү­ше­­лерін республикалық және өңір­лік штабтардың насихат нау­қанына дайындық барысы туралы құлағдар етті: – Орталық аппарат арқау­ында біз партияның өңірлік штаб­­тарының басшылары мен мүше­лері үшін тренингтер өткізіп, сайлау заңнамасының талаптары мен шектеулерін, сондай-ақ, үгіт-насихат жұмыстарын жүргізудің ерекшеліктерін түсіндіреміз. Бұл «Ауыл» партиясының ашық та әділ сайлау өткізуді тұтастай қол­дайтынын және Сайлауды бай­қау жөніндегі республикалық қоғамдық комиссиямен тығыз ын­ты­мақтасуға ниетті екенін айғақ­тайды, – деді Ә.Бектаев. Сәулебек БІРЖАН.