Ықпалдастықты ілгерілету тұрғысындағы шаралар

Қазақстан Республикасы Премьер-Министрінің бірінші орынбасары Бақытжан Сағынтаев Мәскеуде Еуразиялық экономикалық комиссия Кеңесінің отырысына қатысты, деп хабарлады Премьер-Министрдің баспасөз қызметі. Қазақстан Республикасы 2016 жылы Жоғары Еуразиялық эконо­микалық кеңеске, Еуразиялық үкіметаралық кеңеске және Еу­р­а­зиялық экономикалық комиссия Кеңесіне (ЕЭК) төрағалық етеді. ЕЭК Кеңесінің отырысы үсті­міз­дегі жылы қазақстандық тарап­тың төрағалығымен бірінші рет өтіп отыр. Кеңес мүшелері 2016 жылдың 1 қаң­тарынан ЕЭК Алқасы жаңа құра­мының жұмысы басталуын ескере отырып, Комиссияны қалып­тастыру мәселелерін қарады. Отырыс барысында ортақ фармацевтикалық рынок құру бойынша бірқатар актілер тал­қы­ланды. Ол медициналық препа­раттар мен бұйымдардың қауіп­сіздігі мен сапасын арттыру үшін жағдайларды қамтамасыз етуге мүмкіндік туғызып, олардың ЕАЭО елдері рыногындағы қолжетімділігін қамтамасыз етеді. Оның сыртында, бүтіндей ал­ғанда ЕАЭО Жоғары және үкі­мет­аралық кеңесінің мұнай­дың, мұнай өнімдері мен газдың ор­тақ рыногын қалыптастыру тұжы­рымдамасы бойынша ше­шім­дерінің жобалары мақұлданды. Ондай рыноктар болашақта мүше мемлекеттер энергия жүйелерінің тұрақтылығына жағдай жасайтын болады. Комиссияға елдердің өкілетті органдарымен бірлесіп ЕАЭО-ның Жаңа кеден кодексінің жоба­сымен жұмысты белсендірек жүр­гізу тапсырылды. Бұл құжат­тың қабылдануы кедендік процедураларды жеңілдетуге, кеден қызметі жұмысының жүйесіне үздік халықаралық тәжірибелерді енгізуге бағытталған. Бүтіндей алғанда, ЕЭК Кеңесі отырысына қатысушылар елуден астам мәселелерді қарады.