АҚТӨБЕ. 18 ақпан. Ақтөбе облысында өткен жылдың қорытындысы бойынша бюджетке 319 миллиард теңгеден астам қаржы түсті. Бұл туралы egemen.kz тілшісі хабарлады.
Жыл қорытындысына арналған жиында Ақтөбе облысы бойынша мемлекеттік кіріс департаментінің басшысы Талғат Мамаев мемлекеттік және республикалық бюджеттер кірістері бойынша жоспар тиісінше 11,7 пайыз және 16,9 пайызға асыра орындалғанын айтты. Жергілікті бюджет жоспары 105,3 пайызға орындалды, соның нәтижесінде жергілікті бюджетке жоспардан тыс 4,3 миллиард теңгеден астам қаржы түсті. Ал Ақтөбе қаласы бюджетіне салық түсімінің төмендеуі байқалғаны атап өтілді.
Жиын барысында мекеме тарапынан көрсетілетін мемлекеттік қызметтердің сапасын арттыру мәселелері де қозғалды. Дәлірек айтар болсақ, мемлекеттік кірістер жөніндегі департамент азаматтарға салық бойынша қарыздарының бар екендігі жөнінде хабарлама жіберіп тұратын Бірыңғай есептеу орталығын ашуды ойластыруда.
«Бүгінгі күні салық туралы хабарламалар халыққа қолмен немесе пошта арқылы таратылады. Хабарламалардың мекен жайларға жетпейтін кездері де кездеседі. Кей жағдайларда азаматтар салық бойынша қарыздарының бар екендігін сотта естіп жатады. Бұл мәселені Бірыңғай есептеу орталығын ашу арқылы шешуді жоспарлап отырмыз», – дейді Талғат Мамаев.
Сонымен қатар, интернет-ресурсын құру туралы ұсыныс та айтылды. Салық төлеушілер ол ресурстан төлеуі тиіс салығы, оның мөлшері мен өсімі туралы мәліметтерді ала алады. Мұндай ресурс арқылы кез-келген уақытта салық жөніндегі қарыздар туралы мәліметтерді алып қана қоймай, онлайн режімі бойынша қарыздарды төлеуге де болады.
Сатыбалды Сәуірбай.
Дерек: egemen.kz.
Сурет: strategy2050.kz.
АҚТӨБЕ. 18 ақпан. Ақтөбе облысында өткен жылдың қорытындысы бойынша бюджетке 319 миллиард теңгеден астам қаржы түсті. Бұл туралы egemen.kz тілшісі хабарлады.
Жыл қорытындысына арналған жиында Ақтөбе облысы бойынша мемлекеттік кіріс департаментінің басшысы Талғат Мамаев мемлекеттік және республикалық бюджеттер кірістері бойынша жоспар тиісінше 11,7 пайыз және 16,9 пайызға асыра орындалғанын айтты. Жергілікті бюджет жоспары 105,3 пайызға орындалды, соның нәтижесінде жергілікті бюджетке жоспардан тыс 4,3 миллиард теңгеден астам қаржы түсті. Ал Ақтөбе қаласы бюджетіне салық түсімінің төмендеуі байқалғаны атап өтілді.
Жиын барысында мекеме тарапынан көрсетілетін мемлекеттік қызметтердің сапасын арттыру мәселелері де қозғалды. Дәлірек айтар болсақ, мемлекеттік кірістер жөніндегі департамент азаматтарға салық бойынша қарыздарының бар екендігі жөнінде хабарлама жіберіп тұратын Бірыңғай есептеу орталығын ашуды ойластыруда.
«Бүгінгі күні салық туралы хабарламалар халыққа қолмен немесе пошта арқылы таратылады. Хабарламалардың мекен жайларға жетпейтін кездері де кездеседі. Кей жағдайларда азаматтар салық бойынша қарыздарының бар екендігін сотта естіп жатады. Бұл мәселені Бірыңғай есептеу орталығын ашу арқылы шешуді жоспарлап отырмыз», – дейді Талғат Мамаев.
Сонымен қатар, интернет-ресурсын құру туралы ұсыныс та айтылды. Салық төлеушілер ол ресурстан төлеуі тиіс салығы, оның мөлшері мен өсімі туралы мәліметтерді ала алады. Мұндай ресурс арқылы кез-келген уақытта салық жөніндегі қарыздар туралы мәліметтерді алып қана қоймай, онлайн режімі бойынша қарыздарды төлеуге де болады.
Сатыбалды Сәуірбай.
Дерек: egemen.kz.
Сурет: strategy2050.kz.
Соңғы жаңалықтар
