Қарағандыда менеджер қыз Головкиннің портретін салды

ҚАРАҒАНДЫ. 22 ақпан. Қарағандыда өнерлі қыз Лаура Байшоқанова белгілі спортшы Геннадий Головкиннің портретін салып, енді оны боксшының өзіне тапсыруды армандап жүр. Бұл туралы InformBURO порталына сілтеме жасаған egemen.kz  тілшісі хабарлады. «Мен әйгілі боксшының портретін бес күн ішінде салып бітірдім. Қазірдің өзінде оны сатып алуға ниет білдіргендер бар. Бірақ мен портретті сатпаймын. Ал Геннадийдің өзіне табыс етуге мүмкіндік туып жатса, менен бақытты жан болмас еді», – дейді Лаура. Өнерлі қыз портреттерді кәдімгі бояу қарындаштарымен салады. Бір қызығы, Лаура Байшоқанова жүк көліктерін жөндеу және қызмет көрсету бойынша техникалық орталықтың менеджері болып жұмыс істейді. Қайрат Әбілдинов. Дерек, сурет: InformBURO.