ӨСКЕМЕН. 22 ақпан. Шығыс өңіріне келген «Мәңгілік ел» пойызының құрамындағы білікті дәрігерлер жергілікті тұрғындардың денсаулығын тексеріп, медициналық жолдамалар берді. Бұл туралы egemen.kz тілшісі хабарлады.
Невролог, нефролог, уролог, гематолог, ортопед-травматолог, ревматолог, пульмонолог, педиатр, гастроэнтеролог, ангиохирург, кардиолог, эндокринолог, офтальмолог, онколог және хирург сынды медицина қызметкерлері пойыз тоқтаған қалалар мен кенттерде қабылдаулар өткізіп, халықтың денсаулығын тексеріп, кеңес берді.
«Біз Шығыс Қазақстан өңірінің тұрғындарына риза болдық. Олардың жанарынан сенімділіктің ұшқынын байқайсыз. Барлығы еліміздің гүлденуіне, көркеюіне еңбек еткісі келеді. 2016 жыл – ерекше жыл. Біз бұл жылды әлеуметтік мәселелерді шешуден бастап отырмыз», – деді аталған пойыздың жетекшісі Әміржан Әлпейісов.
Мәселен, пойыздағы дәрігерлер қауымы Зырян қаласында 334, Шар қаласында 490 адамның денсаулығын тексеріп, медициналық қорытынды жасады. Ревматолог-дәрігер Дәулет Медеу – Шымкенттегі облыстық ревматология орталығының дәрігері. Республикадағы әлеуетті ревматология орталығы Оңтүстік Қазақстанда екені белгілі.
«Кейбір елді-мекендерде күніне отыз-қырық адамға дейін қабылдадық. Мақсатымыз – медицинаның соңғы жетістіктерін көрсетіп, диагнозы қиын науқастарға білікті кеңес беру. Зырян қаласында жүрек дертіне шалдыққан төрт науқасқа Алматыдағы Сызғанов атындағы ұлттық ғылыми орталыққа жолдама бердік. Маманның тапшылығынан олар дер кезінде тиісті дәрігерге қаралмай, дерттерін асқындырып алыпты», – дейді ревматолог маман.
Аталған пойыз бүгін Семей қаласына келді.
Думан Анаш.
Дерек: egemen.kz.
Сурет: ШҚО Ақпараттық орталығы.
ӨСКЕМЕН. 22 ақпан. Шығыс өңіріне келген «Мәңгілік ел» пойызының құрамындағы білікті дәрігерлер жергілікті тұрғындардың денсаулығын тексеріп, медициналық жолдамалар берді. Бұл туралы egemen.kz тілшісі хабарлады.
Невролог, нефролог, уролог, гематолог, ортопед-травматолог, ревматолог, пульмонолог, педиатр, гастроэнтеролог, ангиохирург, кардиолог, эндокринолог, офтальмолог, онколог және хирург сынды медицина қызметкерлері пойыз тоқтаған қалалар мен кенттерде қабылдаулар өткізіп, халықтың денсаулығын тексеріп, кеңес берді.
«Біз Шығыс Қазақстан өңірінің тұрғындарына риза болдық. Олардың жанарынан сенімділіктің ұшқынын байқайсыз. Барлығы еліміздің гүлденуіне, көркеюіне еңбек еткісі келеді. 2016 жыл – ерекше жыл. Біз бұл жылды әлеуметтік мәселелерді шешуден бастап отырмыз», – деді аталған пойыздың жетекшісі Әміржан Әлпейісов.
Мәселен, пойыздағы дәрігерлер қауымы Зырян қаласында 334, Шар қаласында 490 адамның денсаулығын тексеріп, медициналық қорытынды жасады. Ревматолог-дәрігер Дәулет Медеу – Шымкенттегі облыстық ревматология орталығының дәрігері. Республикадағы әлеуетті ревматология орталығы Оңтүстік Қазақстанда екені белгілі.
«Кейбір елді-мекендерде күніне отыз-қырық адамға дейін қабылдадық. Мақсатымыз – медицинаның соңғы жетістіктерін көрсетіп, диагнозы қиын науқастарға білікті кеңес беру. Зырян қаласында жүрек дертіне шалдыққан төрт науқасқа Алматыдағы Сызғанов атындағы ұлттық ғылыми орталыққа жолдама бердік. Маманның тапшылығынан олар дер кезінде тиісті дәрігерге қаралмай, дерттерін асқындырып алыпты», – дейді ревматолог маман.
Аталған пойыз бүгін Семей қаласына келді.
Думан Анаш.
Дерек: egemen.kz.
Сурет: ШҚО Ақпараттық орталығы.
Соңғы жаңалықтар
