Сирек дауыс иесі

Димаш Құдайбергенов Мәскеудің Кремль сарайында өнер көрсетпек Витебскінің «Славян базары-2015» халықаралық байқауынан жеңімпаз болып оралған Димаш Құдайбергеновтің кейбір жарыстан олжамен оралған жастардың қалың нөпірдің арасына сіңіп, біразға дейін үні шықпай қалатыны сияқты емес, керісінше, сол бәсекеден кейін танымалдығы одан сайын арта түсті. «Шығыс базары» және «Мей­кин Азия» байқауларының Гран-приін иеленген қазақтың қаршадай баласы туралы жа­қында кей басылымдар: «Ди­маш Құдайбергенов айтулы «Еуровидение» байқауына қатысуға дайындалып жатыр екен» деп біраз дүрлікті. «Қазақстаннан әзірге «Еуровидениеге» ешкім қатыспайды. Алайда, соған қара­мастан ұйымдастырушыларға арнайы өтінішімізді бердік. Қазақ Ұлт­тық өнер университетінің студенті болғандықтан, Ди­маштың әлемдік деңгейдегі мұндай алаңға шығуы бір жа­ғынан біздің оқу орнымыз үшін де үлкен абырой саналады. «Славян базары» конкурсы оны Еуропаға танымал етсе, мынадай ірі додада да ешкімге есе жібермесіне, жүлдемен ораларына сенімдімін», деген болатын ол туралы университет ректоры Айман Мұсақожаева. Сонымен қатар, Димаш Құдай­бер­геновтің «Ұлыбритания дауысы» және «АҚШ дауысы» байқауларына қа­тысуға ниет білдіруі жас әншіге деген сүйіспеншілікті одан бетер еселей түскен. Енді, міне, тағы бір тың жаңалық. Ол жақында Ресейдің эс­традалық жұлдыздарымен бірге Кремль­дер сарайында өнер көрсетпек. Айтулы өнер сахнасында өте­тін 8 наурыз – халықаралық Әйелдер күні мерекесіне орай ұйымдастырылатын 10 жылдық тарихы бар дәстүрлі «Все звезды для любимой» жобасының ұйымдастырушылары биыл тұң­ғыш рет қазақстандық әншіні аталмыш кешке шақырып отыр. Лев Лещенко, Валерий Меладзе, Николай Басков, Леонид Агутин, Анжелика Варум, Сергей Лазарев, Кристина Орбакайте қатысатын осы кеште Д.Құдайбергенов екі ән орындамақ. Орыс эстрадасының танымал жұлдыздарымен терезесі теңескен қазақ баласының өнер­дегі қадамдары бұдан да биіктеп, өркендей беруін тілейміз. «Егемен-ақпарат».