Жадымызда жүрерсіз, Ожан аға

Белгілі журналист Ожан Аман­дықұлы Қали 90 жасқа қараған ша­ғын­да дүниеден өтті. Ожан Қали Солтүстік Қазақстан облы­сының Есіл ауданындағы Сарман ауылында 1927 жылы 1 қаң­тарда дү­ниеге келген. Алматы қала­сындағы Абай атындағы педа­гогикалық инсти­тутты бітір­геннен кейін еңбек жолын Петропавл қаласында мұғалімдіктен бастады. 1957-1967 жылдары облыс­тық «Ленин туы» газетінде әдеби қыз­­меткер, бөлім меңгерушісі мін­дет­терін абыроймен атқарды. Осы жылдар бедерінде ойы алымды, қаламы қарымды журналист ретінде өңір жұртшылығына кеңінен танылды. 1969 жылдан бастап ширек ғасырға жуық «Социалистік Қазақстан» (қазір­гі «Егемен Қазақ­стан») газетінің Сол­түстік Қазақ­стан және Павлодар облыстары бойынша меншікті тілшісі болып, проблемалық мақалаларымен, публицистикалық толғамдарымен оқырмандар қошеметіне бөлене білді. Екі тілге бірдей жетік қарт қаламгер саналы ғұмырының 40 жылын қазақ баспасөзіне арнап, «Жырға лайық жеңешем», «Эхо времени», «Сыртолғау», «Елорда», «Беу, қазағым», «Қазақстаным!», тағы басқа шығармалар жазып қал­дырды. Сурет салу өнерімен де шұғылданып, «Қылқалам иірімдері» атты сурет-альбомы республикалық жүлдеге ие болды. Ожан Амандықұлы ардагер­лер ұйымының белді мүшесі ре­тін­де қоғамдық жұмыстарға, жас­тар тәр­биесіне белсене араласты. Солтүстік Қазақстан облысының құрметті азаматы атанды. Баспасөз ардагері, аяулы аза­маттың жарқын бейнесі әрдайым біздің жадымызда сақталады. Егеменқазақстандықтар.