«STARTUP «BOLASHAK» байқауы мәреге жетті

Жалпы кәсіпкерлерді қолдау, соның ішінде жас­тар кәсіпкерлігін дамыту – Елбасы Н. Назарбаев ұдайы көтеріп жүрген келелі мәселе. Сондықтан да бұл жайға жіті көңіл бөлініп келеді. Байқаудың түпкі мақсаты да сол, жас қазақстандықтардың кәсіпкерлік бастама­ларын кеңінен қолдау, оларға бағыт-бағдар беріп, жол көрсету. Аталмыш жобаны ұйымдас­тырушылар: «Болашақ» қауым­дастығы, «Бәйтерек» және «BI Group» холдингтері, «Даму» қоры, «Atasu Group of Companies» және «Sheberbuild» компаниялары. Бас де­меуші – «Сбербанк». Сонымен, байқау жеңімпаздары өздерінің бизнес-жобаларын дамы­туға 30 миллион теңгеден астам грантқа ие болды. Атап айтсақ, І орын­ды астаналық Әділет Елеу­сов жеңіп алды. Бизнес-идея – оқушыларға арналған қызықты зерт­хана құру. Гранттың жалпы со­масы 10 миллион теңге. ІІ орын – Талдықорған қала­сынан келген Елдос Баялышбаевқа бұйырды. Бизнес-идея – Алакөл көлінде мүмкіндігі шектеулі адам­дарға арналған пансионат ашу. Гранттың жалпы сомасы 8 миллион теңге. Ал, ІІІ орын иесі павлодарлық Бахтыгүл Қасымова. (Бизнес-идея – шыныдан жасалған бұйымдарды қайта өңдеу және өндіру. Гранттың жалпы сомасы 5 миллион теңге. Айтылған жеңімпаздардан басқа, «Startup «Bolashak» бай­қау­ының қалған 7 қатысушысына жобаның серіктестері («Bi-Group», «Atasu Group of Companies», «Sheberbuild») ұсынылған бизнес-идеяларды дамыту үшін 500 мың теңгеден бастап 2,5 миллион теңгеге дейін ақшалай қаражат берді. Келешекте байқаудың екінші маусымын өткізу жоспарланып отыр. Раушан СҮЛЕЙМЕНОВА, журналист.