АСТАНА. 9 наурыз. 35804 әскери бөлімінің әскери қызметшілері Ресейдің Мәскеу облысының «Буньково» полигонында халықаралық армия ойындары кезінде өтетін «Қауіпсіз орта – 2016» байқауына дайындықты бастады. Байқауға қатысу үшін үш негізгі және бір резервтік есептоп іріктеліп алынды. Бұл туралы egemen.kz тілшісі хабарлады.
Конкурсқа дайындалу кезінде әскери қызметші химиктер барлау-химиялық машиналарда жеке жарысты, химиялық зақымдау қөзін іздестіруді, арнайы өңдеуді жүргізу мен атыс-шабуылдау жолағында мәрені, сондай-ақ эстафета мен атыс даярлығын пысықтайды.
Әскери қызметшілерді іріктеу кезінде олардың психологиялық жағынан төзімділігі, дене күші мен атысқа дайындығына мән беріледі.
Дастан Кенжалин.
Дерек, сурет: Қазақстан Республикасы Қорғаныс министрлігі.
