Төраға орынбасарымен орнықты әңгіме

Кеше, сондай-ақ, Қазақстан Республикасы Орталық сайлау комиссиясы төрағасының орынбасары Владимир Фоос Армения Республикасы Орталық сайлау комиссиясы төрағасының орынбасары Лаура Галстянмен кездесті. В.Фоос кездесуге қаты­су­­шы­ларды Орталық сайлау ко­мис­сиясының Қазақстан Рес­публикасы Парламенті Мәжі­лісінің депутаттарын және мәслихаттарының депутаттарын сайлауды әзірлеу мен өткізу жөніндегі жұмысымен, сайлау науқанының негізгі кезең­дерімен таныстырды, сондай-ақ, бірқатар сұрақтарға жауап қайтарды. Ал Л.Галстян сайлау заңнамасының партиялық тізімдерді ұсыну және тіркеу тәртібін, саяси пар­тиялардың сайлауалды үгітін қаржыландыруды реттейтін жекелеген ережелерімен егжей-тег­жейлі танысуға қы­зығу­шылық танытты. Кездесу соңында Л.Гал­стян шақыру үшін ри­за­шылығын білдіріп, сай­лаудың ойдағыдай өтуіне ті­лектестік білдірді. «Біз Ас­тана қаласының бірқатар сай­лау учаскелеріне баруды, осындай маңызды сайлауды өткізу үшін Конституцияға жә­не республиканың сайлау заң­намасына сәйкес жасалған жағдайлармен танысуды жос­парлап отырмыз», – деп атап өтті Армения Республикасы Орталық сайлау комиссиясы төр­ағасының орынбасары. Суреттерді түсірген Ерлан ОМАРОВ.