Ұйым миссиясының басшысымен кездесті

Кеше Қазақстан Республикасы Орталық сайлау комиссиясының төрағасы Қуандық Тұрғанқұлов Шанхай ынтымақтастық ұйымы миссиясының басшысы Азиз Носировпен кездесті. Кездесуде ОСК басшысы миссия жетекшісін Мәжіліс депутаттары сайлауына дайындық барысымен таныстырды. «Жалпы, мен Қазақстандағы сайлауға байланысты жария­ланған бірқатар мақаламен танысып шыққан едім. Бұл ретте Орталық сайлау комиссиясы белсенді жұмыс істеп, атқарылған істер жайындағы ақпараттарын үнемі жаңартып отыратындығын байқадым. Басылымдарда сай­лауға қатысатын саяси пар­тия­ларға теңдей жағдай жасал­ған», – деді А.Носиров БАҚ өкіл­деріне берген сұхбатында. Сонымен қатар, ол ШЫҰ мис­сиясының өкілдері бү­гін-ертең келетіндігін, содан кейін қай учас­келерде байқау жүргізетіндіктерін айқындайтынын атап өтті. «Ал 21 наурыз күні Шанхай ынты­мақтастық ұйымы атынан мәлім­деме жасауға тырысатын боламыз. Бүгін біз ҚР Сыртқы істер министрінің орынбасары Ақылбек Камалдиновпен кездесу өткіздік. Кездесу барысында ҚР Сыртқы істер министріне ШЫҰ жұмысына айрықша көңіл бөлгендігіне және сайлауға байқаушы ре­тінде шақырту жібергендігіне ризашылығымызды білдірдік», – деді А.Носиров. Әлисұлтан ҚҰЛАНБАЙ, «Егемен Қазақстан».