17 Наурыз, 2016

Қостанайда қыс бойы 1367 адам жарақат алған

409 рет
көрсетілді
1 мин
оқу үшін
17-03-2016-kostanaiҚОСТАНАЙ. 17 наурыз. Жаңа жылдан бері Қостанай көшелерінде 1367 адам жарақат алған. Олардың тең жартысы қарт адамдар екен. Бұл туралы alau.kz сайтына сілтеме жасаған egemen.kz тілшісі хабарлады. Биыл қанша көктайғақ болса да, жарақат алғандардың саны өткен жылдың осы мерзімімен салыстырғанда 241-ге кем екен. Қостанай қалалық ауруханасының бас дәрігері Самат Шүменбаев: «Жарақат алып келгендердің көпшілігінің қол-аяғы, қабырғасы сынған, иығы шығып кеткен, тобығы тайған, жамбасының ұршығы сынған», – деді. Бірақ бас дәрігердің айтуынша, жарақаттар көшеден алған, тұрмыстық, өндірістік және жол-көлік апатынан болған деп бөлінеді. Демек барлығы бірдей көктайғақтан болмаған. Ауа райын болжаушылар Қостанайда жақын күндері тағы да көктайғақтың күшейетінін айтып отыр. Нәзира Жәрімбетова. Дерек, сурет: alau.kz.