Жедел-қызмет жұмысы талқыланды

Ішкі істер министрі Қалмұхан­бет Қасымовтың төраға­лық етуі­мен министрліктің орталық ап­па­ратының, Ұлттық ұланның бас­шылық құрамының, өңірлік ішкі істер, төтенше жағдайлар және қыл­мыстық-атқару жүйесі депар­та­менттері, сондай-ақ жергі­лікті по­ли­ция қызметі және ведом­ство­лық оқу орындары басшылары­ның қаты­суымен ІІМ-нің алқа мәжілісі өтті. Онда ағымдағы жылғы 1-тоқ­сандағы жедел-қызметтік жұмыс­тың қорытындысы қарал­ды. Жер­гілікті полиция қызметі бөлініс­терінің қылмыстың және құқық бұзушылықтың алдын алуда іш­кі істер органдарының өзге де қыз­меттерімен, жергілікті атқарушы органдармен, қоғамдық бірлестіктермен бірлескен прак­тикалық жұмыстарын жетілдіру және ұйымдастыру мәселелері талқыланды. Алқа мәжілісінің барысында су тасқынын ескерту, су тасқыны­ның салдарларын жою, зардапқа ұшыраған өңірлердің тыныс-тіршілігін қалпына келтіру үшін жергілікті атқарушы органдарға көмек көрсету бойынша қабыл­да­нып жатқан шаралар да қаралды. Алқа мәжілісінің қорытындысы бойынша министрліктің орталық аппараты қызметтерінің және өңірлік департаменттердің басшыларына нақты тапсырмалар берілді, деп хабарлады ІІМ баспасөз қызметі.