«Еуровидение-2016» ән байқауын Украина әншісі жеңіп алды

АСТАНА. 15 мамыр. Швеция астанасы Стокгольмде өткен «Еуровидение-2016» ән байқауында Украина әншісі Джамала жеңімпаз атанды. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Байқауда ол «1944» әнін шырқады. Нәтижесінде 534 ұпай жинап, жеңімпаз атанды. Джамала ­ опера және джаз әншісі. Осыдан 6 жыл бұрын, яғни 2009 жылы Латвияның Юрмала қаласында өткен «Жаңа толқын» жас орындаушылардың халықаралық конкурсында бас жүлдені жеңіп алғаннан кейін танымал бола бастады. Жарыс қорытындысы бойынша, екінші орын Австралия әншісі Дэми Имге бұйырса, үздік үштікті Ресей әншісі Сергей Лазарев түйіндеді. Қорытынды кезеңде 26 әнші бағын сынады: екі жартылай финалдан 10 жеңімпаз, сонымен қатар Швецияда өтіп жатқаны үшін осы мемлекеттің әншілері әрі «үлкен бестік» (конкурстың негізін қалағандар мен демеушілері) Ұлыбритания, Германия, Испания, Италия және Франция елдерінің әншілері қатысты. Аян Әбдуәли. Дерек, фото: ТАСС.