Қылмыс • 14 Ақпан, 2024
Өткен жылдың соңында Петропавл қаласының тұрғыны Вадим Приходченконың отбасын біреулер асқан қатыгездікпен қырып кеткен еді. Отбасының барлық үш жанын: ерін, әйелін және 17 жасар баласын қанішерлер бауыздап кеткен. Мұны естіген қала тұрғындары үрпиісіп қалды. Оқиғаны сан-саққа жүгіртіп, түрлі ой мен пікір айтылды, өсек-аяң таратушылар да аянып қалмады.
Жануарлар • 13 Ақпан, 2024
Табиғат еркесін аямағандар жазаланады
Биыл басқа жерлердегі сияқты Солтүстік Қазақстанда да қар өте қалың. Сондықтан қар теуіп азық табатын жануарлар шөпке жете алмай ауылдарға да кіріп кетіп жатыр. Жуырда, тіпті Қызылжар қаласының Есіл бойындағы «Жеңіс» паркіне кіріп кеткен еліктерге сол жердегі тұрғындар базардан жем сатып әкеліп төгіп, тамақтандырды. Тағы бір жануарларды қаңғырған иттер қуып жаралап, бір азаматтар жарасын таңып, мал дәрігеріне тапсырды.
Спорт • 13 Ақпан, 2024
Солтүстікқазақстандық полиция қызметкері, аға лейтенант Нұрсұлтан Жақыпов кикбоксингтен Үндістан астанасы Делиде өткен халықаралық үлкен турнирде алтын медаль алып, елімізге олжа салды. Турнирдің жартылай финалында ол Непалдық қарсыласын уақытынан бұрын тізе бүктірсе, финалдағы қарсыласы Иран палуанын айқын басымдықпен жеңді.
Аймақтар • 12 Ақпан, 2024
Облыстың барлық аумағына биыл қар көп жауды, ал шет аумақтағы Ғ.Мүсірепов ауданында тіптен қар қалың. Бұл жақтың ормандары аз болғандықтан бораған қар көбінесе жолдарға үйіледі. Сондықтан мұнда тек қуатты техникалармен ғана жол аршылады. Ұйытқыған бораннан тұрып қалған жеңіл машиналардың үстінен қар жүріп кеткен жағдайлар да жиі кездесіп тұрады.
Аймақтар • 07 Ақпан, 2024
Жуырда Солтүстік Қазақстанның дәрігерлік мекемелері 19 жаңа жедел жәрдем көлігімен толықты. Бұл көліктер республикалық бюджеттің көмегімен облыстық бюджеттен бөлінген қаражатқа алынған. Әрқайсының бағасы – 24 млн теңгеден.
Есірткі • 07 Ақпан, 2024
Өңірде есірткі тарату қылмысы өршіп тұр. Қоғамға запыранды тұтынушыдан гөрі таратушының ісі зиян екені белгілі. Тұтынушыларды теріс жолға түсіретін қаскөйлер ұйымдасқан топ құрып, интернеттің де мүмкіндігін пайдаланып, түрлі қитұрқы әдіспен халықтың санасын улап, ақша табудың оңай жолына түскен.
Тағзым • 06 Ақпан, 2024
Қазақ әдебиетінің 60-жылдардан бергі қайта өрлеу заманында ерекше қуатпен жарқ еткен жазушының бірі – Сәкен Жүнісов. Оның шығармашылығын дараландырған туындысы – «Жапандағы жалғыз үй» де ойланған жанға айрықша күй кешіреді. Жапан даласында сыпыра жат жұрттың ортасында жалғыз қалған қазақты Сәкең жағымсыз кейіпкер қылайын деп қаншама жамау жапсырса да, халықтың бар пейілі соны қолдап, соны аяйды.
Аймақтар • 31 Қаңтар, 2024
Петропавлдың жылу жүйесі атақты «СевКазЭнерго» АҚ-тың бір бұтағы «Петропавлдың жылу жүйелері» (ПЖЖ) ЖШС толығымен басқаның басқаруына берілген. Басқаша айтқанда, бәрі жекеменшікте. Атышулы 2-ЖЭО да солардың иелігінде. Дүние жекеменшіктікі болған соң жергілікті әкімдік олардың жұмысына араласпайды, тек апат болып, жылу берілмегенде ғана халықтың қалауымен дауыс көтерген болады.
Тағзым • 30 Қаңтар, 2024
Шоқан Уәлиханов өзінің атасы Абылай хан батырларының арасында Бәсентиін Малайсары мен Уақ Баян батырды бәрінен жоғары қоятынын айтқанын жазып кеткен. Сол Баян батыр 1714 жылы Солтүстік Қазақстанда өмірге келген, биыл оның туғанына 310 жыл толып отыр. Батырдың өз кіндігінен тараған ұрпақтары негізінен қазіргі Мағжан Жұмабаев ауданында, Қызылжар қаласында тұрады. Сонымен бірге Қостанай, Павлодар және басқа облыстарға да тараған.
Өнер • 30 Қаңтар, 2024
Үндістанға барып, үндерін бауратып келді
Жуырда Ақан сері атындағы Солтүстік Қазақстан облыстық филармониясының эстрадалық-симфониялық оркестрі Үндістан еліне барып, оның Мумбай, Дели, Банголор, Майсори деген қалаларына гастрольдік сапарға шығып, қазақ өнерінің табыстарын көрсетіп келді. Біз осы ұжымның директоры Ботагөз Ақмағамбетоваға жолығып әңгімелескен едік.
