Мәдениет • 17 Қаңтар, 2024
Тұс киіз ілінген аядай бөлме төрінде домбыра тұратын. Үнсіздікке оранған жұмбақ бұйым біздерге ертегі ішіндегі көңілсіз кейіпкердей елес беретін. Қиянда адасқан жолаушыдай мұңлы, кең дүниенің кетігін іздеп аласұрған жастай күңіренгіш. Сөзі аз, сезімі көп.
Руханият • 15 Қаңтар, 2024
Көзі тірісінде-ақ ерен еңбегі еленіп, халық көсеміне айналған Дінмұхамед Қонаевтың орны бөлек. «Құдайдың сүйген құлы сол емес пе, Кемеңгер ұл Қонаев Дінмұхамед» деп ақындар жырға қосса, жұртшылықтың «Димекең», «Димаш аға» деп еркелетіп атауы сом тұлғаның ел жүрегінен елеулі орын алғанының айнымас айғағы.
Әдебиет • 15 Қаңтар, 2024
Жазушы Гюстав Флоберден «Бовари ханым» кім?» деп сұрағанда «Бовари ханым – мен» деген-тін. Шын мәнінде, жазушы кім жайлы қалам тартса да, өзін жазады. Жан ойпатына түскен сан түрлі даму үрдісіндегі шашылған қиындыларды бейнелеп қағазға құяды.
Сұхбат • 11 Қаңтар, 2024
Бексұлтан Нұржекеұлы: Рух шындықта ғана болады
Бексұлтан Нұржекеұлы – замандастарымыздың санасына тоқылған есім. Адам жанының тереңіне бойлап, нәзік иірімдеріне батырар сыршыл жазушының үйінде болдық. Жақында алған «Халық жазушысы» атағымен құттықтап, ілтипат білдірдік. Қаламгердің денесі сергек, бойы тік. Сексеннің сеңгіріне шықса да, шүйілген қырандай әр сөзді анықтап, арындап сөйлейді. Бірде құйындай құдіреттеніп, бірде құмырсқадан әлсіз күйде жанарына жас үйіреді. Жанының түбінен тазалық атты тұмса қоңыраудың үні естілердей.
Поэзия • 08 Қаңтар, 2024
Алып адам даңқын арқалап туады. Ғасырлар қойнауын мүйісіне тартқан алыптар тобы Жер шарын мүйізімен көтеріп тұрған ерен өгіздер іспетті. Олар өздерімен бірге ұсақ рухани балаларын жаратады. Шекспир, Мильтон, Фирдоуси, Байрон, Гете...
Әдебиет • 15 Желтоқсан, 2023
Тәуелсіздік жолында сарғайып атып сәскеде сөнген, еркіндік үшін тебінгісін терге шіріткен ұлт-азаттық көтерілісшілер жадымызда. Ал қан-қасап заманда қаламын қылыш еткен рухани ұлт-азаттық көтерілісшілердің жөні басқа. Жыраулар, Абай, Махамбет, Мағжан рухы салқар даланың шекарасын сарабдал жырымен, тілімденген жанымен күзетті.
Қоғам • 04 Желтоқсан, 2023
Бабаларымыздың жаһандық өркениетке қосқан үлесі хақында аз айтылып жүрген жоқ. Сан тарапқа шашылған шежірелі мұраларымызды зерделеу ісіне тек тарихшылар емес, барша қоғам өкілдері атсалысып жүр. Бұл тамыры терең тарихымыздың ертеңіне едәуір септігін тигізері – талассыз ақиқат.
Сұхбат • 23 Қараша, 2023
Кәдірбек Сегізбайұлы, Мемлекеттік сыйлықтың лауреаты: Барға шалқаймайтын, жоққа еңкеймейтін ұрпақпыз
Кәдірбек Сегізбайұлы есімі көзі қарақты оқырманға етене таныс. Мінезі сабырлы, парасатты жазушы болмысы қазақ танымының қазынасы іспетті. Жақында сексеннің сеңгіріне шыққан қаламгермен әңгімелесудің сәті түскен еді.
Әдебиет • 13 Қараша, 2023
«Абайдың Батысынан Шығысы басым» деген Мұхтар Әуезов. Хакім жырларын бажайлап оқысақ, шығыстық қазыналарға көптеп ұшырасамыз. «Ақылмен хауас барлығын, Білмей-дүр, жүрек сезе-дүр», дейді ақын. Хауас деген не?
Сұхбат • 02 Қараша, 2023
Нұрғали Ораз: Бізде таланттардың еңбегін бағалау кемшін
Нұрғали Ораз шығармаларының бір қыры, ұлтымыздың назқоңыр жанын, адамдық әсем табиғатын қалтқысыз суреттеуінде. Іңкәрлік, сезімшілдік, тазалық самалы есетін туындылар жан түбінен киелі шақтағы алтын сәулені оятады. Қақ-соқпен ісі жоқ, жалғыздық құзарында жүрек нұрын жайған жазушымен әңгімелесудің сәті түскен еді.
