Жәдігер • 14 Желтоқсан, 2023
1973 жылы халық батыры Амангелді Имановтың 100 жылдығына орай ашылған Арқалықтағы «Дала аймағының тарихы» облыстық мұражайы өзі жұмыс істеп тұрған жарты ғасырлық кезең ішінде өңір тарихының алтын сандығы іспеттес рухани-мәдени қазынаның орталығына айналды.
Мәселе • 14 Желтоқсан, 2023
Ауыз су мәселесі шешімін табады
Президент Қ.Тоқаевтың 2025 жылға дейін ауыл халқын сапалы ауыз сумен толық қамтамасыз ету жөніндегі тапсырмасын белгіленген мерзім ішінде орындап шығу Қостанай облысының әлеуметтік-экономикалық дамуындағы маңызды бағыттың бірі болып отыр.
Театр • 10 Желтоқсан, 2023
Ілияс Омаров атындағы Қостанай қазақ драма театрында ақын-драматург Ақылбек Шаяхметтің «Министр» атты деректі драмасының премьерасы өтті. Көрнекті мемлекет қайраткері, ұлт руханиятының жанашыры Ілияс Омаровтың өмір кезеңдерінен сыр шертетін қойылымды қаламгердің «Культурбақан немесе өтелген парыз» пьесасы бойынша режиссер Фархад Қанапин сахналап шыққан. Басты рөлді сомдаған – актер Бақытжан Құрмансейітов.
Еңбек • 06 Желтоқсан, 2023
Меңдіқара ауданында құрғақ саумал өндіретін техникалық ферма іске қосылды. «S-Agro-Borovskoe» жауапкершілігі шектеулі серіктестігі алдағы уақытта сауын биелердің санын мыңға жеткізіп, жылдық өнім көлемін 40 тоннаға дейін арттыруды көздеп отыр.
Руханият • 30 Қараша, 2023
І.Омаров атындағы Қостанай облыстық қазақ драма театрында ақын Төленді Арыстанбекұлының Алматыдағы «Аrshyn» баспасынан шыққан «Тобылдың толқындары» атты таңдамалы жыр жинағының тұсаукесері өтті. Кеш шымылдығы саналы ғұмырын экономика мен аудит саласына арнай жүріп, артында өнегелі сөз, салиқалы ұрпақ қалдырған, Тобыл-Торғай өңіріне есімі етене таныс қайраткер тұлға туралы шағын бейнефильммен ашылды.
Зерде • 29 Қараша, 2023
Жітіқара өңірі бағзы тарихтың талай сырын бүгіп жатқаны анық. Өлкетанушы ғалымдар ежелгі Арқайым қалашығымен шектесетін Жітіқара маңында көне өркениеттің ізі бар екенін, сондықтан жүйелі археологиялық зерттеу жұмыстарына сұранып-ақ тұрғанын айтады. Мәселен, осы өңірдегі Жалтыркөлдің жағасында кезінде көшпелілердің көне моншасы болған деседі. Өлке тарихының білгірі, ардагер журналист Қуаныш Орманов ағамыз – осы моншаға түсіп көрген адам.
Қоғам • 27 Қараша, 2023
«Iqostanay» смарт-орталығында дарынды шәкірттердің қарым-қабілетін ұштауға, баланың жаны қалаған ғылым саласына ден қойып, өнер үйренуіне қажеттің көбі табылады. Құны 11,3 млрд теңге болатын қосымша білім беру орталығының іргетасы былтыр қаланған. Содан бергі бір жылдан аса уақыт ішінде құрылысы толық аяқталып, балалардың игілігіне беріліп отыр.
Мирас • 22 Қараша, 2023
Ұлттық өнерге жаңаша реңк үстеп, боялған қой жүнінен қазақы нақыштағы көзайым көркемсурет туындыларын жасап жүрген Аңқауовтар отбасын бүгінде бүкіл Қостанай жұртшылығы жақсы біледі. Ағайынды төрт жігіттің төртеуі де тумысынан сирек кездесетін айықпас дертке шалдыққан. Аяқ-буындары ауырады. Соған қарамастан, таяққа таянып жүріп, ұлттық қолөнерді насихаттаудан танбай, оған қоса, талай жас талапкерді қолөнерге баулып жүрген қайыс мінез қайсар жандардың өнері мен өмірге деген құштарлығы жан сүйсінтеді.
Отбасы • 21 Қараша, 2023
Сырттай тым жұпыны көрінетін сегіз үйлі Сәт ауылының адамдары жаздай бие байлап, сиыр сауып, төрт түліктен түскен табиғи таза өнімді табыс көзіне айналдырып отыр. Амангелдіден Қостанай, Арқалық, Астанаға қарай шығатын күре жолдың бойында жатқандықтан, әрі-бері ағылған автокөліктің көбі жолшыбай осы ауылға соғып, бал қымызын, жұмсақ құрт, сары май, қою қаймағы мен тәтті ірімшігін ала кетеді.
Өндіріс • 20 Қараша, 2023
Ауылшаруашылық өнімдерін өндіру, өңдеу саласы жақсы дамыған Қостанай облысы – еліміздің азық-түлік қауіпсіздігін қамтамасыз етуге мол үлес қосып отырған өңірдің бірі. Облыс республика көлемінде ұн өндірісі бойынша бірінші, сүт және қою кілегей, йогурт өндірісі бойынша екінші, макарон, жарма өндіру саласында үшінші орында тұр.
