Шаруашылық • 13 Қараша, 2023
Ауыл шаруашылығы – қуатты экономиканың негізі
Қазақстан мен Ресей өңірлерінің Қостанайда өткен ынтымақтастық форумы аясында қазіргі жағдайда азық-түлік қауіпсіздігін қамтамасыз ету, агроөнеркәсіп кешеніндегі цифрлық технологияны ілгерілету, жастар және ауыл шаруашылығы бағытында үш панельдік сессия жұмыс істеді.
Құқық • 10 Қараша, 2023
Облыстық мемлекеттік қызмет департаментінің әдеп жөніндегі кеңесінде Бейімбет Майлин ауданына қарасты Новоильин ауылдық округінің әкімі Мақаш Таймасовтың тәртібі қаралды. 18 қазан күні түнгі сағат 23:00-ден кейін өзіне ішімдік сатудан бас тартқан дүкеншіні балағаттап, қоқан-лоқы көрсетуге дейін барған әкімнің әдепсіз қылығы бейнебақылау камерасына түсіп қалған.
Тағзым • 09 Қараша, 2023
Ахмет Байтұрсынұлы атындағы өңірлік университетте жазушы-журналист Байтұрсын Ілияс атындағы дәрісхана ашылды. Қарымды қаламгер көп жылдар бойы «Egemen Qazaqstan» газетінің Қостанай облысындағы меншікті тілшісі болып жұмыс істеген.
Өндіріс • 06 Қараша, 2023
Өңірде автокөлік өнеркәсібі ілгерілеген сайын, білікті техника мамандарына деген сұраныс артып келеді. Облыс орталығындағы «Сарыарқаавтопром», «Агромашхолдинг», «Агротехмаш», Қостанай трактор зауыты сияқты ірі өнеркәсіп орындарына маман даярлайтын Қостанай автомобиль көлігі колледжі – осы сұранысты өтеп отырған бірден-бір білім ордасы. Бүгінде автоматтандырылған цифрлы өндіріске негізделген іргелі зауыттардың техникалық инженерлері, слесарь, токарь, шанақ дәнекерлеуші секілді мамандарының дені – осы колледжде еңбек ететін тәлімгер-ұстаз, Алтынсарин төсбелгісінің иегері Сергей Булаттың шәкірттері.
Қоғам • 02 Қараша, 2023
Қанатты жыртқыш Қостанайдың іргесіндегі Амангелді кентіндегі тұрғын үйдің ауласынан табылды. Өзіне таяп қалған адамды көрген бүркіт әуелде ұстатпай үркіп, әуеге көтерілмек болған екен, ұша алмапты.
Энергетика • 02 Қараша, 2023
Қостанайда келешекте елімізде салынуы мүмкін АЭС құрылысына қатысты қоғамдық талқылау өтті. Басқосуға қатысқан сарапшылар, ядролық физика мамандары өңірдің белсенді азаматтарының АЭС жөніндегі пікірін тыңдап, тұрғындардың сан сауалына жауап берді. Көпшілікке жаңа қуат көзін басқа емес, атомнан іздеудің себебі не? Жалпы, Қазақстанға АЭС-тің керегі не, берері не деген мәселелерді түсіндірді.
Көрме • 31 Қазан, 2023
Торғайдағы Әліби Жангелдин тарихи-мемориалдық мұражайында «Қасиетті Қазақстан» көрмесі ашылды. Тәуелсіз еліміздің тоқсаныншы жылдардан бері қарайғы дербес мемлекет болып қалыптасу, өрлеу, даму тарихын баяндайтын хронологиялық фотоэкспозиция алты бөлімнен тұрады.
Аймақтар • 31 Қазан, 2023
Жылу желілерінің 80-90 пайызы тозған Рудный, Арқалық қалаларында биыл жерасты құбырларын жаңарту жұмыстары қарқынды жүрді. Ала жаздай атқарылған ауқымды жұмыстың нәтижесінде 18 шақырымнан аса жылу құбыры жаңартылып, шағын шаһарлардағы әлеуметтік нысандар мен тұрғын үйдің бәрі күн суытпай орталық жылу желісіне қосылды.
Аймақтар • 23 Қазан, 2023
Республика күні қарсаңында Қостанай әуежайының маңдайшасына «Ахмет Байтұрсынұлы әуежайы» деген жазу орнады. Қуанышты хабар сол сәтте-ақ әлемжелі арқылы шартарапқа тарады. Оған көпшілік әр тұстан үн қосып, құтты болсын айтысып, сүйсініс білдіріп жатты.
Білім • 23 Қазан, 2023
Қостанайдағы Назарбаев зияткерлік мектебінің 12-сынып оқушылары Ерболат Сембаев пен Ілияс Бәйішев интерактивті зияткерлік ойын өткізуге арналған онлайн жүйе жасап шығарды. Олардың ойлап тапқан жүйесі қатысушыларға қойылған ашық сауалдардың жауабын автоматты түрде тексеріп, дұрыс-бұрысын бағалап отырады.
